ބަންގްލަދޭޝްގައި ޑޮކްޓަރުކަން ކިޔެވުމަށް ހަތް ސްކޮލަޝިޕެއްގެ ފުރުސަތު

2018: ގައުމީ ޔުނިވަސިޓީން ސްކޮލަޝިޕް ހަވާލުކުރުމަށް ބޭއްވި ރަސްމިއްޔާތެއްގެ ތެރެއިން -- ސަން ފޮޓޯ

ޑޮކްޓަރުކަން ކިޔަވަން ބޭނުންވާ ފަރާތް ތަކަށް ބަންގްލަދޭޝްގައި އެމްބީބީއެސްއަށް ކިޔެވުމުގެ ހަތް ފުރުސަތު ހަޔަ އެޑިއުކޭޝަން މިނިސްޓްރީން ހުޅުވާލައިފި އެވެ.

ސާކްގެ ގައުމު ތަކަށް ހުޅުވާލި ސްކޮލަޝިޕް ޕްރޮގްރާމެއްގެ ތެރެއިން ރާއްޖެއަށް ލިބުނު ފުރުސަތުގެ ތެރޭގައި އެމްބީބީއެސްގެ ބެޗްލާސް ޑިގްރީގެ ހަ ސްކޮލަޝިޕަކާއި ބީޑީއެސްގެ އެއް ސްކޮލަޝިޕް ހިމެނޭ ކަމަށް ހަޔާ އެޑިއުކޭޝަންގެ އިއުލާނުގައިވެ އެވެ.

ބެޗްލާސް ޑިގްރީ ފެންވަރުގެ މި ސްކޮލަޝިޕަށް ކުރިމަތި ލުމުގެ ފުރުސަތު މި މަހުގެ 14 ވަނަ ދުވަހާ ހަމައަށް ވަނީ ހުޅުވާލާފަ އެވެ.

އެމްބީބީއެސް އަދި ބީޑީއެސް ސްކޮލަޝިޕް ތަކަށް ހުށަހަޅައި ދަރިވަރުން އޭލެވެލް ހަދާފައިވުން ލާޒިމް ކުރާއިރު އޯލެވެލް އިމްތިހާނުން ކިޔަވަން ބޭނުންވާ ދާއިރާއަކާ ގުޅޭ، މަދުވެގެން ފަސް މާއްދާއިން ފާސްވާންޖެހެ އެވެ.

އެއީ ކެމިސްޓްރީ، ބަޔޮލޮޖީ، އަދި ފިޒިކްސް އެވެ.

ކޯހާއިބެހޭ އިތުރު މައުލޫމާތާއި އެޕްލިކޭޝަންފޯމް އެ މިނިސްޓްރީގެ ވެބްސައިޓް،www.mohe.gov.mv އިން ލިބެން ހުންނާނެ އެވެ.

އެޑިއުކޭޝަން މިނިސްޓްރީ