ވެމްކޯއިން ސިޓީތަކާއި ރަށްރަށުން ނަގާ ގޭޓުފީ ކުޑަ ކޮށްފި

--ވެމްކޯގެ ހީވާގި އަންހެން މުވައްޒަފެއް ކުނި އުކުމުގައި

ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން ހިދުމަތް ފޯރުކޮށްދޭ ރަށްރަށުގައި ކުނި އުކާލާ ފަރާތްތަކުން ނަގާ ގޭޓްފީ ކުޑަކޮށްފި އެވެ.

ވެމްކޯ އިން މިއަދު ގެޒެޓްކުރި އިއުލާންގައި ބުނެފައިވަނީ އެ ކުންފުނިން ރާއްޖޭގެ ސަރަހައްދީ ސިޓީ ތަކާއި ރަށްރަށުގައި ފޯރުކޮށްދޭ ހިދުމަތް ތަކުގެ ތެރެއިން، ކުނި މެނޭޖް ކުރާ މަރުކަޒު ތަކަށް ކުނި އުކާލާ ފަރާތް ތަކުން ނަގާ ގޭޓުފީއަށް މިއަދުން ފަށައިގެން މުހިންމު ބަދަލެއް ގެނެވިފައިވާ ކަމަށެވެ.

މިގޮތުން، އަމިއްލަ ފަރާތް ތަކުން ގޭޓުފީގެ ގޮތުގައި ނެގުމަށް ހަމަޖެހިފައިވާ އަގު ވަނީ ކުނި އުފުލާ އުޅަނދުގެ ރަޖިސްޓަރީ ކުރެވިފައިވާ ބަރުދަނަށް ބަލައި، ޓަނަކަށް 212 ރުފިޔާއިން ޓަނަކަށް 106 ރުފިޔާއަށް ކުޑަކުރެވިފައި ކަމަށް ވެމްކޯގެ އިއުލާންގައިވެ އެވެ.

ވެމްކޯއިން މިއަހަރު ވަނީ މާލެ ސަރަހައްދުގެ ކުނި ޕިކަޕްގެ ފީ 500 ރުފިޔާ އަށް ކުޑަކޮށް، އަދި ޓްރާންސްފާ ސްޓޭޝަން ތަކަށް ވަންނަ އުޅަނދަކުން ނަގަމުން އައި 150 ރުފިޔާގެ ގޭޓްފީ ނެގުން ވެސް ހުއްޓާލާފަ އެވެ.

ވެމްކޯ