ޓެލްއަވީވް: އިޒްރޭލުގެ ގާނޫނު ހަދާ މަޖިލީހުގައި ހޯމަ ދުވަހު ވާހަކަ ދައްކަމުން، ނަތަންޔާހޫ ވިދާޅުވީ ކުށެއް ނެތް އާންމުންނަށް ގެއްލުމެއް ވިޔަ ނުދިނުމަށް ގިނަ މަސައްކަތްތަކެއް ކުރި ނަމަވެސް، ހޯމަ ވިލޭރޭ ރަފާހް ސަރަހައްދުގައި ހުންނަ ރެފިއުޖީ ކޭމްޕަށް އިސްރާއީލުގެ ސިފައިން ދިން ހަމާލާއަކީ، އިސްރާއީލުގެ ސިފައިންނަށް ހެނދުނު ހިތާމަވެރި ގޯހެއް ކަމަށެވެ. މިހާދިސާގައި 45 މީހުން ވަނީ ޝަހީދު ވެފައެވެ.

ނަތަންޔާހޫއަށް ހެނދުނު އެ ގޯހުގެ ތަފްސީލެއް ނުދެއްވަ އެވެ. ޣައްޒާގެ ރަފާހް ސަރަހައްދުގައި ހުންނަ ހަމާސްގެ ކޮމްޕައުންޑަކަށް ވައިގެ ހަމަލާތަކެއް ދީފައިވާ ކަމަށް އިޒްރޭލުގެ އަސްކަރިއްޔާއިން ވަނީ ބުނެފައެވެ. އަދި މިހަމަލާގައި އިސް ދެ ހަނގުރާމަވެރިން މަރާލާފައިވާ ކަމަށެވެ. އިޒްރޭލުގެ މި ހަމަލާ އަރާފައި ވަނީ ރަފާހްގެ ހުޅަނގު އުތުރުގައި ފަލަސްތީން ރައްޔިތުން ހިމާޔަތް ހޯދައިގެން ތިބި އަދި އިޒްރޭލުން ރައްކާތެރިކަމަށް ކަނޑައަޅާފައިވާ ސަރަހައްދަކަށެވެ. މި ހަމަލާގެ ތަފްސީލުތައް ހާމަވުމާ އެކު އިސްރާއީލުގެ އަސްކަރިއްޔާއިން ބުނެފައިވަނީ އާންމުން މަރުވި މައްސަލަ ތަހުގީގު ކުރަން މިހާރު ފަށާފައިވާ ކަމަށެވެ.

މި ހަމަލާގައި މަރުވި މީހުންގެ ތެރޭގައި އަންހެނުންނާއި ކުޑަކުދިން ހިމެނޭކަމަށް ހަމާސް އިން ބުންޏެވެ.

އިސްރާއީލުން ހަމާސް ޖަމާއަތާ ދެކޮޅަށް ކުރާ ހަނގުރާމައާ ގުޅިގެން ބައިނަލްއަގްވާމީ ގޮތުން ބޮޑެތި ފާޑުކިއުންތަކެއް  އިސްރާއީލަށް ވަނީ އަމާޒުވެފައެވެ. އެ ގައުމުގެ އެންމެ ގާތް އެކުވެރިން ވެސް ވަނީ މި ހަނގުރާމާގައި އާންމުންނަށް އަމާޒުކޮށް ހަމަލާތައް ދޭތީވެ ނުރުހުން ފާޅުކޮށްފައެވެ.

ބައިނަލްއަގުވާމީ ގާނޫނުތަކަށް އިޒްރޭލުން ތަބާވާ ކަމަށް އެގައުމުން ބުނަމުން އަންނަ އިރު، ރަފާހުގައި އިޒުރޭލުން ހިންގާ އޮޕަރޭޝަން ހުއްޓާލުމަށް އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ) އިން އަންގާފައިވީ ނަމަވެސް އެ ގައުމުގެ ސިފައިން ދަނީ އެއްގަމު މަގުން ރަފާހުއަށް ހަމަލާދެމުންނެވެ.

ޣައްޒާގެ 2.3 މިލިއަން މީހުންގެ ތެރެއިން ގާތްގަނޑަކަށް 80 އިންސައްތަ މީހުން ވަނީ، ޣައްޒާ ދޫކޮށް ގޮސްފައެވެ. ބަނޑުހައިހޫނުކަން ވަރަށް ބޮޑަށް ޣައްޒާގައޮ ފެތުރެމުންދާއިރު، އދ.ގެ އޮފިޝަލުން ބުނަނީ ޣައްޒާގެ ބައެއް ސަރަހައްދުތަކުގައި ބަނޑުހައިހޫނުކަން އިންތިހާއީ ހާލަތަށް ގޮސްފައިވާކަމަށެވެ.