އެމްޕީއެލްގެ 16 މުވައްޒަފަކު އިންޑަސްޓްރިއަލް ފަޔާ ބުރިގޭޑް ކޯހެއް ފުރިހަމަ ކޮށްފި

އެމްޕީއެލްގެ 16 މުވައްޒަފަކު އިންޑަސްޓްރިއަލް ފަޔާ ބުރިގޭޑް ކޯހެއް ފުރިހަމަ ކުރުން —

އެމްއެންޑީއެފް ފަޔާ އެންޑް ރެސްކިޔު ސާވިސްއިން މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ 16 މުވައްޒަފަކަށް އިންޑަސްޓްރިއަލް ފަޔާ ބްރިގޭޑް ކޯހެއް ހިންގައިފި އެވެ.

ކޯސް ކުރިއަށް ގެންދިޔައީ ޑިސެންބަރު މަހުގެ 21 އިން 30 އަށެވެ.

ކޯސް ނިންމުމުގެ ގޮތުން އެމްއެންޑީއެފް ފަޔާ އެންޑް ރެސްކިޔު ޓްރެއިނިން ސްކޫލު (އެފްއާރްޓީއެސް) ގައި ޑިސެންބަރު 30 ވަނަ ދުވަހުގެ ރޭ ބޭއްވި ރަސްމިއްޔާތު ޝަރަފުވެރިކޮށްދެއްވީ، އެފްއާރްޓީއެސްގެ ކޮމާންޑިން އޮފިސަރު، ލެފްޓިނެންޓް ކާނަލް ފާއިޒް ރަޝާދެވެ.

މި ކޯހުގައި އުނގަންނައިދިން ބައިތަކުގެ ތެރޭގައި ފަޔާ ބިހޭވިއާ، ޕޯޓަބަލް ފަޔާ އެކްސްޓިންގްއިޝާސް، އިންސިޑެންޓް މެނޭޖްމަންޓް ސިސްޓަމް، ޕޯޓަބަލް ފަޔާ ޕަމްޕް، ފަޔާ ރޯޕްސް އެންޑް ނޮޓްސް، ފަޔާ ޑިޓެކްޝަން އެންޑް އެލާމް ސިސްޓަމްސް، ފަޔާ ސްޓްރީމް، ފަޔާ ހޯސް، އަދި ފަޔާ ފައިޓާ ޕާސަނަލް ޕްރޮޓެކްޓިވް އިކުއިޕްމަންޓް ހިމެނެ އެވެ.

މި ކޯހުގައި ކުލާސްތައް ނަގައިދިނީ އެމްއެންޑީއެފް ފަޔާ އެންޑް ރެސްކިޔު ސާވިސްގެ ފަޔާ ފައިޓަރުންނެވެ.

އެމްޕީއެލް އެމްއެންޑީއެފް