އެމެރިކާގެ ކުރީގެ ރައީސް ޖިމީ ކާޓާ އަވަހާރަ ވެއްޖެ

އެމެރިކާގެ ކުރީގެ ރައީސް ޖިމީ ކާޓަރ

އެމެރިކާގެ 39 ވަނަ ރައީސް ޖިމީ ކާޓާ އަވަހާރަވެއް ޖެއެވެ.

އުމުރުން 100 އަހަރުގައި ޖިމީ ކާޓާ އަވަހާރަވެފައި ވަނީ ޖޯޖިޔާގައި ހުންނަ އޭނާގެ ގެކޮޅުގައި ހޮސްޕައިސް ފަރުވާ ފަރުވާ ހޯއަދަވަމުން ގެންދަވަނިކޮށެވެ.

1977 އިން 1981 އަށް ރައީސްކަން ކުރެއްވި ކާޓަރ، ވެރިކަމުގައި ގިނަ ގޮންޖެހުންތަކާ ކުރިމަތިލެއްވިއެވެ. އޭގެ ތެރޭގައި އިޤްތިޞާދީ ދަތިތަކާއި އީރާނުގައި އެމެރިކާގެ 52 ރައްޔިތުން ހިފެހެއްޓުން ހިމެނެއެވެ. ނަމަވެސް، އިސްރާއީލާއި މިޞްރު ދެމެދު ޞުލްޙަ ޤާއިމުކުރެއްވުމަކީ އޭނާގެ ވެރިކަމުގެ މުހިންމު ކާމިޔާބީއެކެވެ.

ވެރިކަމަށްފަހު ކާޓަރ އިންސާނީ ޙައްޤުތަކަށާއި ޞުލްޙައަށް މަސައްކަތް ކުރެއްވިއެވެ. މި މަސައްކަތްތަކަށްޓަކައި 2002 ވަނަ އަހަރު ނޯބެލް އިނާމު ވެސް އޭނާއަށް ލިބިވަޑައިގަތެވެ.

ފަހުގެ އަހަރުތަކުގައި ކާޓަރ އަށް ވަނީ ސިއްހީ މައްސަލަތަކަކާއި ކުރިމަތިލާން ޖެހިވަޑައިގެންފައެވެ. އޭގެތެރޭގައި ހަމުގެ ކެންސަރު ހިމެނެއެވެ. މި ބަލި ފުރަމެއަށާއި ސިކުނޑިއަށް ފެތުރުމާ ގުޅިގެން، 2023 ގެ ފެބްރުވަރީ މަހު އިތުރު ފަރުވާ ހޯއްދެވުން ހުއްޓާލައްވައި، ހޮސްޕައިސް ފަރުވާ ހޯއްދެވުމަށް ނިންމެވިއެވެ.

ކާޓަރގެ އަވަހާރަވުމާ ގުޅިގެން، އެމެރިކާގެ ސިޔާސީ ލީޑަރުންނާއި ބައިނަލްއަޤްވާމީ ޝަޚްޞިއްޔަތުން ވަނީ އޭނާގެ ޚިދުމަތްތަކަށް ތަޢުރީފުކޮށް، ހަނދާން އާކޮށްފައެވެ. އޭނާގެ އިންސާނިއްޔަތަށް ކުރެއްވި މަސައްކަތްތަކާއި ޞުލްޙައަށް ކުރެއްވި މަސައްކަތްތައް ގިނަ ފަރާތްތަކުން ފާހަގަކޮށްފައިވެއެވެ.

އެމެރިކާ