ތަރުހީބު ކުޑަވުމުން ފެނަކަ އޮފީސް ހިންގާނެ އިމާރާތެއް ހޯދަން އަލުން ހުޅުވާލައިފި

ފެނަކަ ހެޑް އޮފީސް -- ރަސް ފޮޓޯ

ފެނަކަ ކޯޕަރޭޝަންގެ ހެޑް އޮފީސް ހިންގުމަށް އިމާރާތެއް ކުއްޔަށް ހިފުމަށް އަލުން މިއަދު ހުޅުވާލައިފި އެވެ.

ދައުލަތުގެ ޔުޓިލިޓީ ކުންފުނި ފެނަކަ އިން ބުނީ އެ ކުންފުނީގެ ހެޑް އޮފީހުގެ ގޮތުގައި ބޭނުން ކުރާނެ އިމާރާތެއް ފަސް އަހަރު ދުވަހަށް ކުއްޔަށް ހިފުމަށް ފުރަތަމަ ކުރި އިއުލާނަށް ފުރިހަމަ ތަރުހީބު ލިބިފައިނުވާތީ، އެ ފުރުސަތު އަލުން މިއަދު ހުޅުވާލާފައިވާ ކަމަށެވެ.

މި ކަމަށް ޝައުގުވެރިވާ ފަރާތްތަކުން ބީލަން ހުށަހެޅުން، ޖެނުއަރީ 12 ވަނަ ދުވަހުގެ ހެނދުނު 11:00 އާ ހަމައަށް ވަނީ ހުޅުވާލާފަ އެވެ.

ރަޖިސްޓްރީވުމަށް ޓަކައި އެ ފަރާތެއްގެ ހުރިހާ މައުލޫމާތެއް ފުރިހަމަ ކުރުމަށްފަހު މެއިލް ކުރާނީ tender.registration@fenaka.mv އަށެވެ.

ބިޑަށް ރަޖިސްޓްރީ ނުކުރާ ފަރާތްތަކުގެ އަންދާސީ ހިސާބާއި، ހަމަޖެހިފައިވާ ގަޑީގެ ފަހުން ހުށަހަޅައި އަންދާސީ ހިސާބާއި، ބިޑަށް ހުށަހަޅަން ޖެހޭ ލިޔުންތައް ހުށަ ނާޅާ އަންދާސީ ހިސާބުތައް ބަލައިނުގަންނާނެ ކަމަށް ވެސް ފެނަކައިން ބުނެފައިވެ އެވެ.

ފެނަކަ