މާލޭގެ ކޮފީޝޮޕްތައް ބަލައި ފާސްކޮށް 5 ބިދޭސީއަކު ހިފަހައްޓައިފި

މާލޭގެ ކޮފީޝޮޕްތަކުން ހިފެހެއްޓި ބައެއް ބިދޭސީން -- ފޮޓޯ/ އިމިގްރޭޝަން

މާލޭގައި ހިންގާ ބައެއް ކޮފީ ޝޮޕްތައް ބަލައިފާސްކޮށް ގަވާއިދާ ޚިލާފަށް އުޅޭ ފަސް ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.

މި އޮޕަރޭޝަނަކީ އިމިގްރޭޝަނުން ކޮންމެ ދުވަހަކު ވެސް ހިންގާ ރެއިޑު އޮޕަރޭޝަންތަކުގެ ތެރެއިން އެއް އޮޕަރޭޝަނެވެ.

އިމިގްރޭޝަނުން މަޢުލޫމާތު ދެއްވި ގޮތުގައި، އިއްޔެގެ ރެއިޑު އޮޕަރޭޝަން ހިންގާފައިވަނީ މާލޭގައި ހިންގާ ކޮފީ ޝޮޕްތަކަށް ޚާއްޞަކޮށްގެންނެވެ. މި އޮޕަރޭޝަނުގައި ޖުމުލަ ހަ ތަނެއް ބަލައި ފާސްކޮށްފައިވެއެވެ. މި ތަންތަނުން ގަވާއިދާ ޚިލާފަށް އުޅެމުންދިޔަ ފަސް ބިދޭސީއެއް ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

ރާއްޖޭގައި ގަވާއިދާ ޚިލާފަށް އުޅޭ ބިދޭސީން ހޯދުމަށް ފަހު 48 ގަޑިއިރުގެ ތެރޭގައި ޑިޕޯޓްކުރާ ގޮތަށް ސަރުކާރުގެ ސިޔާސަތު ވަނީ ބައްޓަންކޮށްފައެވެ. މި ސިޔާސަތުގެ ދަށުން، މިދިޔަ އެއް އަހަރު ދުވަހުގެ ތެރޭގައި 4،000 އަށް ވުރެ ގިނަ ބިދޭސީން ވަނީ ޑިޕޯޓްކޮށްފައެވެ.

މި ފަދަ އޮޕަރޭޝަންތައް ކުރިއަށް ގެންދިއުމުގެ މަޤްޞަދަކީ ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ އަދަދު މަދުކޮށް، ޤާނޫނާއި ގަވާއިދުތަކަށް ޙުރުމަތްތެރިކޮށް ހިތާ މުޖުތަމަޢުއެއް ބިނާކުރުމެވެ. އިމިގްރޭޝަނުން ބުނީ މި ފަދަ އޮޕަރޭޝަންތައް ކުރިއަށް އޮތް ތަނުގައި ވެސް ކުރިއަށް ގެންދާނެ ކަމަށެވެ.

މޯލްޑިވްސް އިމިގްރޭޝަން