ވެމްކޯއަށް 27 ވެށިފާރަވެރިން ހޯދަނީ

ވޭސްޓް މެނޭޖްމަންޓް ކޯޕަރޭޝަން (ވެމްކޯ)އަށް 27 ދިވެހި ވެށިފާރަވެރިން ހޯދަން އިއުލާނުކޮށްފި އެވެ.

ވެމްކޯއިން ކުރި އިއުލާނެއްގައި ބުނެފައިވާގޮތުގައި މި ވަޒީފާތަކަށް މީހުން ނަގަން ހަމަޖެހިފައިވަނީ ފުވައްމުލަކަށާއި އައްޑޫއަށް ކަމަށެވެ.

އެ ކުންފުނިން ބުނީ އައްޑޫގެ ގުޅިފައިވާ ރަށްރަށުން ކުނި ނެގުމަށް 17 އަދި ފުވައްމުލަކު އޮޕަރޭޝަނަށް 10 ހަށިފާރަވެރިން ބޭނުންވާ ކަމަށެވެ.

މިވަޒީފާ ތަކަށް ކުރިމަތި ލެވޭނީ ޖެނުއަރީ ފަސް ވަނަ ދުވަހުގެ 12:00 ގެ ނިޔަލަށެވެ.

ވެށިފާރަވެރި އަކަށް ވުމަށް ހުށަހަޅާއިރު، ވަޒީފާއަށް އެދޭ ފޯމުގެ އިތުރުން ހުށަހަޅަން ޖެހޭނީ ދިވެހި ރައްޔިތެއްކަން އަންގައިދޭ ކާޑުގެ ކޮޕީއާއި ތިން މަސް ހަމަނުވާ ޕޮލިސް ރިޕޯޓެވެ.

ފަޒީފާއަށް އެދޭ ފަރާތްތަކުގައި ހުންނަންޖެހޭ ޝަތުރު ތަކުގެ ތެރޭގައި ދިވެހި ރައްޔިތެއް ކަމުގައިވުމާއި އަމިއްލައަށް އިސްނަގައިގެން މަސައްކަތް ކުރެވޭނެ ފަރާތެއް ކަމުގައިވުމާ އަދި މަގާމުގެ މަސްއޫލިއްޔަތު އަދާ ކުރެވޭ ފަދަ ސިއްހަތެއްގައިހުރި މީހަކު ކަމުގައި ވާން ޖެހެއެވެ.

މި ވަޒީފާގެ އަސާސީ މުސާރަ އަކީ ކޮންމެ މަހަކު 9،000 ރުފިޔާ އެވެ.