އަންހެނެއްގެ ކަރުގައި އޮތް ފަށް ފޭރުނު މީހާގެ ބަންދަށް އިތުރު 15 ދުވަސް

ހިނގާފައި ދިޔަ އަންހެން މީހާގެ ފަށް ފޭރިގަންނަ ވީޑީއޯއިން ނަގާފައި

މާލޭ އަލިކިލެގެފާނު މަގުން ސައިކަލް ދުއްވާފައި ދިޔަ އަންހެނެއްގެ ކަރުގައި އޮތް ފަށެއް ޖަހައިގަތް މައްސަލާގައި ހައްޔަރުކުރި މީހާގެ ބަންދު 15 ދުވަހަށް އިތުރުކޮށްފިއެވެ.

މި މަހުގެ 19 ވަނަ ދުވަހު ހިނގި މި ހާދިސާއާ ގުޅިގެން ހައްޔަރުކޮށްފައިވަނީ ވިލިމާލޭ، ފިޔަބަރި، ހަސަން އިސާމް (30) އެވެ.

ފުރަތަމަ އޭނާ ހައްޔަރުކުރީ ތޫނު ހަތިޔާރު ގެންގުޅުމުގެ މައްސަލައެއްގައި ކަމަށްވީ ނަމަވެސް، ފަހުން ފޭރުމުގެ މައްސަލައިގައި ތުހުމަތުކޮށް ބަންދުގެ މުއްދަތު އިތުރުކޮށްފައިވެއެވެ. ފުލުހުން ވަނީ ހެކީގެ ގޮތުގައި ފުލުހުންގެ ބަޔާނާއި ސީސީޓީވީ ވީޑިއޯގެ ސްނެޕްޝޮޓެއް ހުށަހަޅާފައެވެ.

ހަސަން އިސާމް ވަނީ އަންހެން މީހާގެ ކަރުގައި އޮތް ރަން ފަށް ފޭރުނު ކަމަށް ކޯޓުގައި އެއްބަސްވެފައެވެ. އެހެންނަމަވެސް، އޭނާގެ އަތުގައި އެ ފަށް ނެތް ކަމަށާއި މައްސަލައިގައި ގެއްލުން ލިބުނު މީހާއަށް ބަދަލު ދޭނެ ކަމަށް ވެސް އޭނާ ބުނެފައިވެއެވެ.

މި ހާދިސާގެ ވީޑިއޯ ސޯޝަލް މީޑިއާގައި ދައުރުވެ، ގިނަ ބައެއްގެ ކަންބޮޑުވުން ފާޅުކޮށްފައިވެއެވެ. ހަސަން އިސާމަކީ ގިނަ އަދަދެއްގެ ކުށުގެ ރެކޯޑު އޮތް މީހެއް ކަމަށްވުމާއެކު، މިފަދަ ހާދިސާތައް ހުއްޓުވުމަށް އަޅަންޖެހޭ ފިޔަވަޅުތައް އެޅުމަށް ގިނަ ބަޔަކު ގޮވާލާފައިވެއެވެ.

ފުލުހުން