ނަތީޖާ ނުނެރެވޭ ނަމަ މަގާމު ގެއްލޭނެކަން ގަބޫލު ކުރަން: ޔުނައިޓެޑްގެ ކޯޗު އަމޮރިމް

މެންޗެސްޓަރ ޔުނައިޓެޑްގެ ކޯޗު ރުބެން އަމޮރިމް

ޓީމަށް ރަނގަޅު ނަތީޖާތަކެއް ނުހޯދޭނަމަ އޭނާގެ މަޤާމު ގެއްލޭނެކަން ޤަބޫލުކުރާކަމަށް މެންޗެސްޓަރ ޔުނައިޓެޑްގެ ކޯޗު ރުބެން އަމޮރިމް ބުނެފިއެވެ.

މިފަދައިން އޭނާ ބުނެފައި ވަނީ ނިއުކާސަލް ޔުނައިޓެޑާ ދެކޮޅަށް ކުޅޭ މެޗުގެ ކުރިން ނޫސްވެރިންނާ ވާހަކަދައްކަމުންނެވެ.

އަމޮރިމް ޔުނައިޓެޑްގެ ކޯޗުކަމާ ހަވާލުވެފައިވަނީ އެރިކް ޓެންހާގް މަޤާމުން ވަކިކުރުމަށްފަހުގައެވެ. އޭނާގެ އިރުޝާދުގެ ދަށުން ޕްރިމިއަރ ލީގުގައި މިހާތަނަށް ހަތް މެޗު ކުޅެ، ހަތް ޕޮއިންޓް ލިބިފައިވެއެވެ.

މަޤާމާ ހަވާލުވިތާ މަހެއްހާ ދުވަސް ވެފައިވާ އަމޮރިމްގެ ބެލުމުގެ ދަށުން ޔުނައިޓެޑްއިން ހުރިހާ މުބާރާތެއްގައި 10 މެޗު ކުޅެ، ފަސް މެޗުން ބަލިވެފައިވެއެވެ. މިއީ 1930 ވަނަ އަހަރަށްފަހު ޔުނައިޓެޑްގެ އައު ކޯޗެއްގެ ދަށުން ކުޅުނު ފުރަތަމަ 10 މެޗުން ހޯދިފައިވާ އެންމެ ދަށް ނަތީޖާއެވެ.

އަމޮރިމް ބުނެފައިވަނީ ކްލަބުގެ ވެރިންނާ ދެމެދު ގާތް ގުޅުމެއް އޮތްނަމަވެސް، ނަތީޖާތައް ގޯސްވާނަމަ މަޤާމުގައި ދެމިނުހުރެވޭނެ ކަމަށާއި، އެއީ ފުޓުބޯޅައިގައި އަބަދުވެސް ކަން ހިނގާ ގޮތްކަމަށެވެ. މިއީ ފުޓުބޯޅަ ދުނިޔޭގެ ހަޤީޤަތެއްކަން އަމޮރިމް ޤަބޫލުކުރާކަން އޭނާގެ ބަހުން ހާމަވެއެވެ.

މެންޗެސްޓަރ ޔުނައިޓެޑް