އަހަރުގެ މިހާތަނަށް ޒަކާތު ފަންޑަށް 98 މިލިއަނަށްވުރެ ގިނަ ރުފިޔާ، މިއީ ރެކޯޑެއް!
ޒަކާތު ހައުސްގެ ވެބްސައިޓް އިފްތިތާހު ކުރުމަށް ބޭއްވި ރަސްމިއްޔާތުގެ ތެރެއިން -- ފޮޓޯ/ މިނިސްޓްރީ
މިއަހަރުގެ މިހާތަނަށް ޒަކާތު ފަންޑަށް 98 މިލިޔަނަށް ވުރެ ގިނަ ރުފިޔާ ލިބިފައިވާކަމަށް އިސްލާމިކް މިނިސްޓްރީން ބުނެފި އެވެ.
އެ މިނިސްޓްރީން ބުނީ މިއަހަރަކީ ރާއްޖޭގެ ތާރީހުގައި ވެސް އެންމެ ގިނައިން ޒަކާތު ފަންޑަށް ފައިސާ ލިބުނު އަހަރު ކަމަށެވެ.
އެގޮތުން މިއަހަރުގެ މިހާތަނަށް ޒަކާތު ފަންޑަށް 98.6 މިލިޔަން ރުފިޔާ ލިބިފައިވާ ކަމަށާއި އަމާޒަކީ މިއަހަރު މަދުވެގެން ޒަކާތު ފަންޑު 100 މިލިޔަނަށް އެރުވުން ކަމަށާއި އަދި މިއީ ރައީސް ޑރ. މުއިއްޒުގެ ސަރުކާރުން ޒަކާތުގެ ހާއްސަ އިދާރާއެއް އުފެެއްދުމުގެ ހެޔޮ ނަތީޖާ ކަމަށް މިނިސްޓްރީން ބުންޏެވެ.
ޒަކާތު ހައުސްގެ ނަމުގައި ރައީސް އުފެއްދެވި އިދާރާގެ މަސައްކަތް ތަކުގެ ތެރޭގައި ޒަކާތް ބަލައިގަތުމުގެ އިންތިޒާމުތައް ހަމަޖެއްސުމާއި، ޒަކާތް ހައްގުވާ ފަރާތްތަކަށް ޒަކާތް ދޫކުރުމުގެ އެންމެހާ ކަންކަން ހަމަޖެއްސުން ހިމެނެ އެވެ.
އޭގެ އިތުރުން ޒަކާތް ބަލައިގަތުމުގެ އިންތިޒާމު ހަމަޖެއްސުމާއި، ޒަކާތް ހައްދުވާ ފަރާތްތަކަށް ޒަކާތް ދޫކުރުމުގެ އިންތިޒާމުތައް އެ އިދާރާއިން ހަމަޖައްސާނެ އެވެ.
ކޮމެންޓް