ގައިރު ދީންތަކުގެ ދުވަސްތައް ފާހަގަ ނުކުރުމަށް އިސްލާމިކް މިނިސްޓްރީން ހަނދާންކޮށްދީފި
އިސްލާމިކް މިނިސްޓްރީ
ޣައިރު ދީންތަކުގެ ދުވަސްތައް ރާއްޖޭގެ ރަށްރަށުގައި ފާހަގަނުކުރުމަށް އިސްލާމިކް މިނިސްޓްރީން އަނެއްކާ ވެސް ހަނދާންކޮށްދީފިއެވެ.
މިކަން ހަނދާން ކޮށްދީފައި މިވަނީ ނަޞާރާއިން ފާހަގަކުރާ ޢީދެއް ކަމަށްވާ "ކްރިސްމަސް" ދުވަހާ ގުޅިގެންނެވެ.
އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ސޮއި ކުރައްވައި، ކައުންސިލްތަކަށް ފޮނުއްވި ސާކިއުލާއެއްގައި، ދިވެހިރާއްޖޭގެ އެއްވެސް އާއްމު ތަނެއްގައި އިސްލާމް ދީން ފިޔަވައި އެހެން އެއްވެސް ދީނެއްގެ އަޅުކަމާ ގުޅޭ އެއްވެސް ކަމެއް ހިންގުމަކީ ކަނޑައެޅިގެން މަނާ ކަމެއްކަން ވަނީ ހަނދާން ކޮށްދީފައެވެ.
ސާކިއުލާގައި ބުނެފައިވަނީ ރާއްޖެއަކީ ގިނަ އަދަދަކަށް ބިދޭސީން މަސައްކަތްކުރާ، އަދި ފަތުރުވެރިންގެ ގޮތުގައި ގިނަ އަދަދެއްގެ ބޭރު މީހުން ޒިޔާރަތްކުރާ ގައުމެއް ކަމަށްވާއިރު އެކި ވަޒީފާތަކަށް ބިދޭސީން ގެންނަ ފަރާތްތަކުން ރާއްޖޭގެ ގާނޫނާއި ގަވާއިދުތަކާ އެއްގޮތައް އަމަލުކުރުމަށް ބިދޭސީނަށް އިރުޝާދު ދިނުމަށް އެދޭ ކަމަށެވެ.
މީގެ އިތުރުން މީހުން އުޅޭ ރަށްރަށުގައި އުޅޭއިރު އާއްމު އިޖްތިމާއީ މިންގަނޑަށް ފެތޭފަދަ ހެދުމެއްގައި އުޅުމަށް ފަތުރުވެރިންނަށް އިރުޝާދު ދިނުމަށް ވެސް ވަނީ މިނިސްޓްރީން އެދިފައެވެ.
ހުރިހާ ކައުންސިލްތަކުން މި ކަމަށް ޚާއްސަ ސަމާލުކަމެއް ދީ މިފަދަ މައްސަލަތަކުގައި ފިޔަވަޅުތައް އަޅަމުން ގެންދިޔުމަށް ވަނީ އަންގާފައެވެ.
ފަށާ މަދަދު ލޯނުގެ ދެވަނަ ބުރު ހުޅުވާލައިފި
އައު ޓާމިނަލްގެ މަސައްކަތް ކާމިޔާބު ކަމާ އެކު ގެންދެވުނީ ރައީސްގެ ލަފައާއި އިރުޝާދުގެ ދަށުން: ޝަރީފް
މާލޭގައި ދުވާލަކަށް 1،000 ޓަނުގެ ފެން އުފެއްދޭ ޕްލާންޓެއް ބަހައްޓައިފި
ރޯވި އެޕާޓްމެންޓުގެ މީހުންނަށް ވަގުތީ ހިޔާވަހިކަން ދީފި
ޕެރަގުއޭގެ އައު ސަފީރު، ރައީސަށް ފަތްކޮޅު އަރުވައިފި
ވީއައިއޭގެ އައު ޓާމިލަށް ފެން ފޯރުކޮށްދޭ ހޮޅި އިފުތިތާހު ކޮށްފި
ހައްޖާއި އުމްރާއާ ގުޅޭ މުހިއްމު މައުލޫމާތު ހިމެނޭ އެޕެއް ލޯންޗުކޮށްފި
ފުލުހުން ހިފަހައްޓާފައި ހުރި ގިނަ އަދަދެއްގެ ބަނގުރާ ނައްތާލައިފި
މިއަހަރު ނިމުމުގެ ކުރިން ހުރިހާ ސުކޫލެއް އޭސީކޮށް ނިމޭނެ: މިނިސްޓަރު
މާލޭ ގެއެއް ބަލައި ފާސްކޮށް، ޑުރަގާ އެކު ދެމީހަކު ހައްޔަރު
ފޭކް ސްލިޕް ފޮނުވި މައްސަލައެއްގައި ޒައިދާންގެ ދެމަފިރިން ހައްޔަރުކޮށްފި
އޯއައިސީ އިތުރަށް ހަރުދަނާކޮށް، އެކުގައި މަސައްކަތް ކުރުމަށް ގޮވައިލައްވައިފި
ކޮމެންޓް