ގޯލްޑް ކަޕް ނިންމުމުގެ ރަސްމިއްޔާތު ރައީސް ޝަރަފްވެރިކޮށްދެއްވައިފި

ނައިންޓީން ޕްލަސް ގޯލްކަޕް ފުޓް ބޯޅަ މުބާރާތް ނިންމުމުގެ ރަސްމިއްޔާތު ރައީސް ވަނީ ޝަރަފްވެރިކޮށްދެއްވާފައި -- ފޮޓޯ/ ރައީސް އޮފީސް

ނައިންޓީ ޕްލަސް ގޯލްޑް ފުޓްބޯޅަ މުބާރާތުގެ ފައިނަލުގައި ބ. އޭދަފުއްޓާއި އައްޑޫ ސިޓީ ބައްދަލުކުރި މެޗާއި، މުބާރާތް ނިންމުމުގެ ރަސްމިއްޔާތު، ރައީސް ޑރ. މުޙައްމަދު މުއިއްޒު ޝަރަފުވެރިކޮށްދެއްވައިފި އެވެ.

ގަލޮޅު ރަސްމީ ދަނޑުގައި ރޭ ކުޅުނު ފައިނަލް މެޗުގައި، އައްޑޫ ސިޓީ 2-0 އިން ބަލިކޮށް މުބާރާތުގެ ޗެމްޕިއަން ކަން ހޯދީ ބ. އޭދަފުއްޓެވެ.

ރޭގެ ރަސްމިއްޔާތުގައި ރައީސް ވަނީ ފައިނަލް މެޗުގައި ބ. އޭދަފުށި ޓީމުން މުބާރާތުގެ ޗެމްޕިއަންކަން ހޯދި ގޯލުޖެހި ބޯޅައިގައި ސޮއިކުރައްވާފަ އެވެ.

"90 ޕްލަސް ގޯލްޑް ކަޕް 2024" ފުޓްބޯޅަ މުބާރާތަކީ މުޅި ރާއްޖެއަށް ހުޅުވާލައިގެން އަމިއްލަ ފަރާތަކުން ރާވާ، ހިންގި ފުޓްބޯޅަ މުބާރާތެކެވެ.

މިދިޔަ މަހުގެ 20 ގައި ފެށި މި މުބާރާތުގައި ރާއްޖޭގެ އެކި ކަންކޮޅުތަކުން 17 ޓީމަކުން ވާދަކުރި އެވެ.

ގޯލްޑް ކަޕްގެ ސަބަބުން ދިވެހި ފުޓުބޯޅައިގެ ފުރަތަމަ ޑިވިޝަނުގެ މޮޅު ކުޅުންތެރިންނާއެކު ކުޅުމުގެ ފުރުސަތު، އައު ކުޅުންތެރިން ތަކަކަށް ލިބިގެންދިޔަ އެވެ.

ރައީސް ޑރ މުޙައްމަދު މުޢިއްޒު