ފާސިރުގެ ދެ ބެއިންގެ ގޯލުތަކާއެކު ގޯލްޑް ކަޕްގެ ޗެމްޕިއަންކަން އޭދަފުއްޓަށް

ޗެމްޕިއަން އޭދަފުއްޓަށް ތަށި ހަވާލުކޮށްދެއްވީ ރައީސް ޑރ. މުހައްމަދު މުއިއްޒު

އަތޮޅުތަކަށް އަމާޒުކޮށްގެން ބޭއްވި ނައިންޓީ ޕްލަސް ގޯލްޑް ކަޕްގެ ޗެމްޕިއަންކަން އޭދަފުށިން ރޭ ހޯދައިފިއެވެ. ގަލޮޅު ދަނޑުގައި ކުޅުނު ފައިނަލް މެޗުގައި އޭދަފުށިން ކާމިޔާބުކޮށްފައި ވަނީ 2-0ގެ ނަތީޖާއަކުން އައްޑޫ ބަލިކޮށްފައެވެ.

މެޗުގައި ފެނިގެން ދިޔަ ދެ ލަނޑު ވެސް ޖަހާފައިވަނީ ފުޓްބޯޅައިގައި ނަން މަޝްޙޫރު ދެބެންކަމަށް ފާސިރުގެ ދެބެއިންނެވެ. އެގޮތުން ފުރަތަމަ ލަނޑު މެޗުގެ 39 ވަނަ މިނެޓުގައި ޖަހާލީ މުޙައްމަދު ފާސިރެވެ. ދެވަނަ ލަނޑު މެޗު ނިމުމާ ކައިރިވެފައި ވަނިކޮށް 89 ވަނަ މިނެޓުގައި ޖަހާލީ އޭނާގެ ކޮއްކޮ އަލީ ފާސިރު (ސެންޓޭ) އެވެ.

މެޗުގެ ފުރަތަމަ ހާފުގައި ގިނަ ހަމަލާތައް އުފައްދާ މުޅި މެޗުކަހަލަ ގޮތަކަށް ނޮމިނޭޓްކޮށް މޮޅަށް ކުޅެފައި ވަނީ އޭދަފުށީގެ ޓީމުންނެވެ، އެހެން ނަމަވެސް ދެވަނަ ހާފުގައި އައްޑޫ ސިޓީގެ ކުޅުން ރަނގަޅުކޮށް ގޯލެއް ޖެހުމަށް ވަރަށް ބޮޑަށް މަސައްކަތް ކުރަމުންދިޔަރަން ފެނިގެން ދިޔައެވެ. އެހެންނަމަވެސް އެ ހަމަލާތަކުން ނަތީޖާއެއް ނެރެވޭގޮތެއް އެޓީމަކަށް ނުވިއެވެ.

މި މުބާރާތަކީ ދިވެހި ފުޓްބޯޅައިގެ ފޯރި ކެނޑިފައިވާތީ އަލުން އަނބުރާ ފުޓބޯޅައިގެ ފޮރިގެނެސް އެކަން އާލާކުރުމަށް ބޭއްވުނު މުބާރާތެކެވެ. މުބާރާތުގައި ޖުމުލަ 17 ޓީމު ވާދަކުރިއެވެ.

މުބާރާތުގެ ޗެމްޕިއަންކަން ހޯދި އޭދަފުށީ ޓީމަށް ތައްޓާއި މެޑެލްތައް ހަވާލުކޮށްދެއްވީ ރޭގެ ފައިނަލްމެޗުގެ ޝަރަފުވެރި މެޙްމާން ރާއްޖޭގެ އިއްޒަތްތެރި ރައީސުލްޖުމުހޫރިއްޔާ ޑރ. މުޙައްމަދު މުޢިއްޒުއެވެ.

ފުޓްސެލް