މީހަކު ރަހީނު ކުރި މައްސަލަ: ހައްޔަރު ކުރި މީހުންނަށް ދައުވާ ކުރަން ފޮނުވައިފި

ހިޔާ ޓަވަރެއްގެ އެޕާޓްމަންޓެއްގައި މީހަކު ރަހީނު ކުރި މީހުންގެ ވަނަވަރު -- ފޮޓޯ/ ޕޮލިސް

ހުޅުމާލޭގެ ހިޔާ ޓަވަރެއްގެ އެޕާޓްމަންޓެއްގައި މީހަކު ރަހީނު ކުރި މައްސަލައިގައި ހައްޔަރު ކުރި މީހުންގެ މައްޗަށް ދައުވާ ކުރަން ފުލުހުން ޕީޖީ އޮފީހަށް ފޮނުވައިފި އެވެ.

ހިޔާ ޓަވަރެއްގެ 20 ވަނަ ފަންގިފިލާގައި އުމުރުން 31 އަހަރުގެ ފިރިހެނަކު ރަހީނުކޮށްގެން ގެންގުޅޭ ކަން އެނގުމާ އެކު ފުލުހުން ކޯޓު އަމުރެއްގެ ދަށުން އެ އެޕާޓްމެންޓުގެ ދޮރު ވައްޓާލައިގެން ވަދެ، ހައްޔަރުކޮށްފައި ވަނީ މުޅިއެކު 12 މީހުންނެވެ.

މި މައްސަލައިގައި ކޯޓުން ވަނީ ހައްޔަރު ކުރި މީހުންގެ ތެރެއިން އަހުމަދު ޒާހިދު ފަސް ދުވަހަށް އަދި އަލްމަން އަލީ ހާލިދު، މުހައްމަދު އިޒްކާން އިޒާން އަހުމަދު އަށް ދުވަހުގެ މުއްދަތަށް ބަންދު ކުރަން އަމުރުކޮށްފަ އެވެ.

ކޯޓުން ވަނީ ބާކީ ތިބި އެންމެން ވެސް ތަހުގީގު ނިމެންދެން ބަންދު ދޫކޮށްލާފަ އެވެ.

ފުލުހުން ބުނިގޮތުގައި އެ މައްސަލައިގައި ދައުވާ ކުރަން ޕީޖީ އޮފީހަށް ފޮނުވީ މިދިޔަ ހޮނިހިރު ދުވަހު އެވެ.

އެޕާޓްމެންޓު ތެރޭގައި ޖެހުނު މި މިމައްސަލަ އަކީ މަސްތުވާތަކެތީގެ ވިޔަފާރީގެ ދެބަސްވުމަކާއި ގުޅިގެން ހިނގައި ދިޔަ ހާދިސާއެއް ކަމަށް ފުލުހުން ކުރިން ބުނެފައިވެ އެވެ.

ފުލުހުން ޕީޖީ