އަމުރަށް ނުކިޔަމަންތެރިވި ވީމިޑިއާގެ ކުރީގެ ކޮންސަލްޓެންޓް، ރަޒީންގެ ބަންދަށް 5 ދުވަސް

އަމުރަށް ނުކިޔަމަންތެރިވެގެން ހަރުކުރި ވީމިޑިއާގެ ކުރީގެ ކޮންސަލްޓެންޓް، ރަޒީންގެ ވަނަވަރު: އޭނާގެ ބަންދަށް 5 ދުވަސް ދީފައިވޭ -- ފޮޓޯ/ ފުލުހުން

އައިޖީއެމްއެޗްގެ ޑިއުޓީގައި ތިބި ފުލުހުންގެ ވާޖިބަށް ހުރަސް އަޅައި އަމުރަށް ނުކިޔަމަންތެރިވި މީހާގެ ބަންދަށް ކޯޓުން ފަސް ދުވަސް ޖަހައިދީފި އެވެ.

މި މައްސަލައިގައި ހައްޔަރުކޮށްފައި ވަނީ މ. ސްޓާ، މުޙައްމަދު ރަޒީން، 48، އެވެ.

ފުލުހުން މިއަދު ބުނީ އޭނާ ހައްޔަރު ކޮށްފައި ވަނީ މިދިިޔަ ހޮނިހިރު ދުވަހު ހަވީރު 4:00 ހާއިރު އައިޖީއެމްއެޗް ޑިއުޓީގައި ތިބި ފުލުހުންގެ އަމުރަށް ނުކިޔަމަންތެރިވެ، ފުލުހުންގެ ވާޖިބަށް ހުރަސްއެޅި މައްސަލައިގެ ތަހުގީގަށް ކަމަށެވެ.

ހައްޔަރުކުރުމަށްފަހު، ރަޒީންގެ ބަންދާ މެދު ގޮތެއް ނިންމުމަށް ކޯޓަށް ހާޒިރު ކުރުމުން ކޯޓުން މިއަދު އޭނާގެ ބަންދަށް ފަސް ދުވަސް ދީފައި ކަމަށް ފުލުހުން ބުންޏެވެ.

ރަޒީން މީގެ ކުރިން ވަނީ އައިލެންޑް ބްރޯޑްކާސްޓިންކޮމްޕެނީ (އައިބީސީ)ގެ ކޮންސަލްޓެންޓުކަމާއި އެ ކޮމްޕެނީގެ ދަށުން ހިންގަމުން އަންނަ އަންނަ ވީމީޑިއާގެ އިސް މަގާމެއް އަދާކޮށްފަ އެވެ.

ފުލުހުން