ޕެނަމާ ކެނަލް އަލުން އެމެރިކާގެ ކޮންޓްރޯލުގެ ދަށަށް ގެންނަން ޖެހިދާނެ: ޓްރަމްޕް

ޕެނަމާ ކެނަލްގެ އަގުތައް ބޮޑުކަން ފާހަގަކޮށް، އެ ކެނަލް އަލުން އަބުރާ އެމެރިކާގެ ކޮންޓްރޯލުގެ ދަށަށް ގެންނަން ޖެހިދާނެކަމަށް އެމެރިކާގެ ކުރީގެ ރައީސް އަދި އިންތިޚާބީ ކެންޑިޑޭޓް ޑޮނަލްޑް ޓްރަމްޕް ވިދާޅުވެއްޖެއެވެ.

އެރިޒޯނާގައި ބޭއްވި ރެލީއެއްގައި ވާހަކަދައްކަވަމުން ޓްރަމްޕް ވިދާޅުވީ އެޓްލާންޓިކް ކަނޑާއި ޕެސިފިކް ކަނޑު ގުޅުވައިދޭ މުހިންމު އެ ކެނަލް ނުބައި ބައެއްގެ އަތްމަތީގައި ނުބާއްވާނެ ކަމަށެވެ. އަދި ކެނަލް ހުރަސްކުރަން ނަގާ ފީ ބޮޑުކަންވެސް ފާހަގަކުރެއްވިއެވެ.

ޕެނަމާ ކެނަލް އެމެރިކާއިން ތަރައްޤީކޮށް ނިންމީ 1914 ވަނަ އަހަރުއެވެ. އޭގެ ފަހުން 1999 އާ ހަމައަށް ކެނަލް ބަލަހައްޓަމުން ދިޔައީ އެމެރިކާ އާއި ޕެނަމާ ގުޅިގެންނެވެ. ނަމަވެސް 1999 ގެ ޑިސެންބަރު 31 އިން ފެށިގެން އެ ކެނަލް ހިންގުމުގެ ހުރިހާ ބާރެއް އެމެރިކާއިން ޕެނަމާއަށް ދޫކޮށްލިއެވެ.

ކެނަލް އެންމެ ގިނައިން ބޭނުންކުރަނީ އެމެރިކާގެ އާގުބޯޓުފަހަރެވެ. ކެނަލް ހުރަސްކުރާ އުޅަނދުގެ ބޮޑުމިނާއި ދަތުރުގެ ބޭނުމަށް ބަލައި ނަގާ ފީ 0.50 ޑޮލަރުން 300،000 ޑޮލަރަށް އަރައެވެ. ޓްރަމްޕްގެ މި ބަސްފުޅުތަކުން އެމެރިކާ އާއި ޕެނަމާ އާ ދެމެދު އޮތް ގުޅުމަށް އަސަރުކުރުމަކީ އެކަށީގެންވާ ކަމެކެވެ.