ސްޓެލްކޯ އިން ބައި ލައްކައަށްވުރެ ގިނަ ގަސް އިންދައިފި

ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ރުކެއް އިންދަވަނީ -- ފޮޓޯ/ ސްޓެލްކޯ

މި ސަރުކާރުގެ ފަސް އަހަރުގެ ތެރޭގައި، ފަސް ލައްކަ ގަސް އިންދުމަށް ސްޓެލްކޯއިން ކުރިއަށް ގެންދާ ހަރަކާތުގެ ތެރެއިން މިހާތަނަށް ބައި ލައްކައަށްވުރެ، ގިނަ ގަސް އިންދައިފި އެވެ.

ސްޓެލްކޯއިން ބުނީ މި ދައުރުގެ ތެރޭގައި، ފަސް މިލިއަން ގަސް އިންދުމަށް ސަރުކާރުން ހިންގައި ޕްރޮގްރާމްގައި ބައިވުމުގެ ގޮތުން ފަސް އަހަރުން ފަސް ލައްކަ ގަސް އިންދުމަށް ސްޓެލްކޯއިން ފަށާފައިވާ ހަރަކާތުގައި، މި އަހަރުގެ ޖޫން މަހުގެ ފަސް ވަނަ ދުވަހުން ފެށިގެން މިދިޔަ ހޮނިހިރު ދުވަހުގެ ނިޔަލަށް ސްޓެލްކޯއިން ހިދުމަތްދޭ ރަށްރަށުގައި ޖުމުލަ 52،334 ގަސް އިންދިފައިވާ ކަމަށެވެ.

ފަސް މިލިއަން ގަސް އިންދުމުގެ ޕްރޮގްރާމް ރަސްމީކޮށް ރައީސް ޑރ. މުޙައްމަދު މުއިއްޒު ވަނީ އިފްތިތާހުކޮށްދެއްވާފައި ވަނީ މިއަހަރުގެ ޖޫންމަހު އެވެ.

ރާއްޖެ ފެހިކުރުމަށާއި ގަސްތަކުގެ މާހައުލީ ނިޒާމްތައް ރައްކާތެރިކޮށް ދެމެހެއްޓުމާއި މޫސުމީ ބަދަލުން ދިމާވާ ނުރައްކާ ތަކަށް ރާއްޖޭގެ ވިލުންތެރިކަން އިތުރުކުރުމަށް ޓަކައި ފަސް އަހަރުގެ ތެރޭގައި، ފަސް މިލިއަން ގަސް ރާއްޖޭގެ އެކިކަންކޮޅުތަކުގައި އިންދުމުގެ މަޝްރޫއެއް ކުރިއަށް ގެންދިއުމަކީ ރައީސްް ޑރ. މުއިއްޒުގެ ރިޔާސީ ވައުދެކެވެ.

ސްޓެލްކޯ