ޕީއެންސީ ހަރުގެ ޖަލްސާއެއް މާދަމާ ރޭ!

ވެރިކަން ކުރާކޮންގްރެސް ޕާޓީގެ ހަރުގެ ޖަލްސާއެއް މާދަމާ ރޭ "ޕީއެންސީ ހައުސް" ގައި އޮންނާނެ ކަމަށް އެ ޕާޓީން ބުނެފި އެވެ.

މި ޖަލްސާ ކޮންގްރެސް ހައުސް، ހ. ވެޔޮވިލާ، ގައި ބެއްވުމަށް ހަމަޖެހިފައި ވަނީ ރޭގަނޑު 8:45 ގަ އެވެ.

ރައީސް ޑރ. މުޙައްމަދު މުއިއްޒު މި ޖަލްސާގައި ބައިވެރިވެވަޑައިގަންނަވާކަން އަދި ސާފެއް ނުވެ އެވެ.

"ލޮބުވެތި މެންބަރުން މި ހަރަކާތުގައި ބައިވެރިވެ ވަޑައިގެން ދެއްވުމަށް އެދި ދައުވަތު އަރުވަން،" ޕީއެސްސީގެ ދައުވަތުގައިވެ އެވެ.

ރާއްޖޭގައި މިވަގުތު އެންމެ ގިނަ ބައެއްގެ ސަމާލުކަން ހުއްޓިފައި ވަނީ މާލޭ ރަށްވެހީންނަށް ގޯތި ދޭން ކުރީ ސަރުކާރުން ހިންގި "ބިންވެރިޔާ" ސްކީމުގެ ދަށުން ގޯތި ހައްގުނުވާ ބަޔަކަށް ގޯތިިތަކެއް ދިން މައްސަލަ އަށެވެ.

މި މައްސަލައިގައި ސަރުކާރަށް ފާޑުކިޔުން އިތުރުވެފައިވަނިކޮށް، ޕީއެންސީން ހޯމަ ދުވަހުގެ ރޭ ބާއްވާ މި ޖަލްސާގައި އެ ހުރިހާ ކަމަކަށް ރައްދު ދޭނެ ކަމަށް ބެލެވެ އެވެ.

އޭގެ އިތުރުން ކޮރަޕްޓް ވެރިން މަގާމު ތަކުން ދުރުކުމާ އެކު ވައްކަމާ ދެކޮޅަށް މި ސަރުކާރުގެ ފުރަތަމަ ދުވަހުން ފަށައިގެން ގެންގުޅެމުން އަންނަ ހަރުދަނާ ސިޔާސަތުތައް ތަކުރާރު ކުރާނެ ހެން ހީވެއެވެ.