މައުރޫފް ޖަމީލަކީ ކަމަށް ގާބިލު އެހާމެ، ނަޒާހަތްތެރި ބޭފުޅެއް: މައުމޫން
ކުރީގެ ރައީސް މައުމޫން އަބްދުލްގައްޔޫމް --
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރުގެ މަގާމަށް މިއަދު އައްޔަން ކުރެއްވި ކުރީގެ މިނިސްޓަރު މުޙައްމަދު މައުރޫފް ޖަމީލަކީ ކަމަށް ގާބިލު އަދި އެހާމެ، ނަޒާހަތްތެރި ބޭފުޅެއް ކަމަށް ކުރީގެ ރައީސް މައުމޫން އަބްދުލްގައްޔޫމް ވިދާޅުވެއްޖެ އެވެ.
އެޗްޑީސީގެ އައު އެމްޑީގެ މަގާމަށް މައުރޫފް ހަމަޖެއްސެވުމާ ގުޅުވައިގެން އޭނާއަށް މަރުހަބާ ދަންވާ މައުމޫން ޓްވިޓާގައި ވިދާޅުވީ މައުރޫފް ޖަލީލަކީ ކަމަށް ގާބިލު، އަދި އެހާމެ ތަޖުރިބާ ހާސިލް ކުރައްވައިގެން ހުންނެވި ވަރަށް ނަޒާހަތްތެރި ބޭފުޅެއް ކަމަށެވެ.
ރައީސް ޑރ. މުޙައްމަދު މުއިއްޒު ވެސް މިއަދު ވިދާޅުވެފައި ވަނީ މައުރޫފަކީ އެމަނިކުފާނު ވަރަށް އިތުބާރު ކުރައްވައި ފުލް އިންޓަގްރިޓީ ހުރި ބޭފުޅެއް ކަމަށެވެ.
އެޗްޑީސީގެ މެނޭޖިން ޑިރެކްޓަރު ކަމަށް މައުރޫފް ޖަމީލު އައްޔަންކޮށްފައި މި ވަނީ އެ މަގާމުގައި އިއްޔެއާ ހަމައަށް ހުންނެވި ފަޒުލް ރަޝީދު ރޭ އިސްތިއުފާ ދެއްވުމުންނެވެ.
ކޮމެންޓް