ޕީއެސްއެމްގެ ޅެމަކަށް ލަވައެއް ކިޔައިދޭނެ މީހަކު ހޯދަން އަލުން އިއުލާންކޮށްފި

ޕަބްލިކް ސާވިސް މީޑިއާ (ޕީއެސްއެމް) އިން ފޯރުކޮށްދޭ ޅެމެއް ހިމަނައިގެން ދިވެހި ލަވައެއް ތައްޔާރު ކޮށްދޭނެ ފަރާތެއް ހޯދުމަށް އަލުން އިއުލާންކޮށްފި އެވެ.

ޕީއެސްއެމުން ދޭ ޅެން ހިމަނައިގެން ދިވެހި ލަވައެއް (ފުލް ސޯންގް) ތައްޔާރު ކޮށްދޭނެ މީހަކު ހޯދުމަށް އަލުން ހުޅުވައިލީ އެ ކުންފުނިން އެކަމާއި ގުޅިގެން، ފުރަތަމަ ކުރި އިއުލާނަށް އެކަށީގެންވާ ތަރުހީބެއް ލިބިފައިނުވާތީ އެ އިއުލާން ބާތިލް ކުރުމަށްފަހު އެވެ.

މިކަމަށް ޝައުގުވެރިވާ ފަރާތްތަކުން މި ޑިސެމްބަރު މަހުގެ 24 ވަނަ ދުވަހުގެ 12:00ގެ ކުރިން އަގާއި މަސައްކަތް ނިންމޭނެ މުއްދަތު އެނގޭނެ ގޮތަށް ކޯޓޭޝަން ތައްޔާރުކޮށް، tender@psm.mv އަށް މެއިލް ކުރުމަށް ޕީއެސްއެމުން އެދިފައިވެ އެވެ.

މި ލަވަ ތައްޔާރު ކުރާ ފަރާތުން ކުރާންޖެހޭ މަސައްކަތް ތަކުގެ ތެރޭގައި ލަވައިގެ މިއުޒިކް ކޮމްޕޯސް ކުރުމާއި ލަވައިގެ މިކްސިން އަދި މާސްޓަރިން، ހެދުމާއި ލަވަ ކިޔައިދިނުމުގެ އިތުރުން ސްޓޫޑިއޯ ރެކޯޑިން އަދި ޕާފޯމިން ހިމެނެ އެވެ.