ހައްގު ނުވާ ބަޔަކަށް ގޯތި ދިން މައްސަލައިގެ ތަހުހީގަށް 20 މީހެއްގެ ޕާސްޕޯޓު ހިފަހައްޓައިފި

އެމްޑަބްލިއުއެސްސީގެ ޑީއެމްޑީ ފަޒީލް ރަޝީދު (ކ) އަދި އޭނާގެ ކޮއްކޮ އެޗްޑީސީގެ އެމްޑީ ފަޒުލް ރަޝީދު (ވ) —

ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ މައްސަލައިގެ ތަހުގީގަށް ޖުމުލަ 20 މީހަކުފުރުން މަނާކޮށް، ޕާސްޕޯޓް ހިފަހައްޓައިފި އެވެ.

އެ ފަރާތްތަކުގެ ތެރޭގައި އެޗްޑީސީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އޭނާގެ ބޭބެ، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު ފަޒީލް ރަޝީދު ވެސް ހިމެނެ އެވެ.

މައުލޫމާތު ލިބިފައިވާގޮތުގައި މި މައްސަލައާ ގުޅުވައިގެން ރާއްޖޭން ބޭރަށް ފުރުންމަނާކޮށް ޕާސްޕޯޓް ހިފެހެއްޓި މީހުން ތެރޭގައި ގިނައިން ހިމެނެނީ އެޗްޑީސީ އަދި ހައުސިން މިނިސްޓްރީގެ އިސް ފަރާތްތަކެވެ.

މި މައްސަލައާ ގުޅިގެން އެޗްޑީސީގެ އައު ޗެއާމަން އަހުމަދު ނާސިފް (ޑީޑީ) ފިޔަވައި ބޯޑުގެ ހުރިހާ މެންބަރުން މިއަދު ވަނީ ސަސްޕެންޑް ކޮށްފަ އެވެ. އޭގެ ތެރޭގައި އެމްޑީ ފަޒުލް ރަޝީދު ވެސް ހިމެނެއެވެ.

މި މައްސަލައާ ގުޅިގެން ފުލުހުން ފަށާފައިވާ ޖިނާއީ ތަހުގީގާ ގުޅޭގޮތުން މިރޭ ބޭއްވި ނޫސްވެރިންގެ ބައްދަލުވުމެއްގައި ފުލުހުން ބުނީ ސުވާލު އުފެދޭ ގޮތަށް ހުރި ލިޔެކިޔުން ތަކާ ގުޅޭގޮތުން ހަ ފަރާތަކާ މިހާތަނަށް ސުވާލު ކޮށްފައިވާ ކަމަށެވެ.

ނަމަވެސް އެޗްޑީސީގެ އެމްޑީ ފަޒުލް ރަޝީދުގެ އިތުރުން އެ ކުންފުނީގެ އެއްވެސް މުވައްޒަފަކާ ބެހޭ ގޮތުން ވެސް މިހާތަނަށް އެއްވެސް ހެއްކެއް ހޯދިފައިނުވާ ކަމަށް ފުލުހުން ބުނުފައިވެ އެވެ.

އެޗްޑީސީ ފުލުހުން އިމިގްރޭޝަން