ދަރިވަރުންތަކެއް ގްރޫމް ކުރުމުގެ ތުހުމަތުވާ ޓީޗަރު ޝަރުތުކޮށް ދޫކޮށްލައިފި

ދަރިވަރުންތަކެއް ގްރޫމްކުމުގެ ތުހުމަތުވާ ޓީޗަރު، ޝަރުތުކޮށް ދޫކޮށްލައިފި އެވެ.

މި މައްސަލައިގެ އިތުރު ތަފުސީލު ހާމަނުކޮށް ފުލުހުން ބުނީ ދަރިވަރުންގެ އުމުރާ ނުގުޅޭ ވާހަކަ ދައްކައި، ދަރިވަރުން ގްރޫމްކުރި މައްސަލަ ރިޕޯޓުކޮށްފައި ވަނީ މ، ފ، ދ، ތ، ނުވަތަ ލ. އަތޮޅުގެ ރަށަކުން ކަމަށެވެ.

އެ މައްސަލައިގައި ކޯޓު އަމުރެއްގެ ދަށުން ހައްޔަރު ކުރި ޓީޗަރަކީ އުމުރުން 29 އަހަރުގެ ފިރިހެނެކެވެ. އޭނާގެ މައްސަލަ ފުލުހަށް ހުށަހެޅީ އޮކްޓޯބަރު 27 ވަނަ ދުވަހެވެ.

ދެ ދެފަހަރެއްގެ މަތިން އޭނަގެ ބަންދުގެ މުއްދަތު ކޯޓުން ޖަހައި ދީފައިވާއިރު، ފުރަތަމަ ފަހަރު 20 ދުވަހުގެ މުއްދަތު ދިނެވެ. އެއަށްފަހު، އެ މުއްދަތު ހަމަވެގެން ދެވަނަ ފަހަރަށް 30 ދުވަސް ކޯޓުން ޖެހި އެވެ.

ފުލުހުން ބުނެފައިވާގޮތުގައި އެ ޓީޗަރުގެ ތަހުގީގު ނިންމައި ދައުވާކުރަން ޕީޖީއަށް ފޮނުވީ މިދިޔަ މަހުގެ 25 ގަ އެވެ.