އަމިއްލައަށް މަރުވާން އުޅުނު މީހާގެ ބަންދަށް ފަސް ދުވަސް ޖަހައިފި

ކްރިމިނަލް ކޯޓު --

މާލެއަށް ނިސްބަތްވާ 28 އަހަރުގެ ޒުވާނަކު އަމިއްލައަށް މަރުވާން އުޅުނު މައްސަލައެއްގައި ހައްޔަރުކޮށް، އިތުރު 5 ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކޮށްފިއެވެ.

ފުލުހުން އެ ޒުވާނާ ހައްޔަރުކުރިތާ 24 ގަޑިއިރު ހަމަވުމާ ގުޅިގެން، އިއްޔެ އޭނާ ބަންދުގައި އިތުރަށް ބެހެއްޓުމަށް ކްރިމިނަލް ކޯޓަށް ހާޒިރުކުރެވުނެވެ. ކޯޓު އަމުރުން އެނގޭ ގޮތުގައި، އެ ތުހުމަތު ވުޖޫދުކުރެވޭ މިންވަރަށް ފުލުހުން ހެކި ހުށަހަޅާފައިވެއެވެ.

ކްރިމިނަލް ކޯޓުގެ ގާޒީ އަލީ އާދަމް ނިންމެވީ އެ ޒުވާނާ ހައްޔަރުކޮށްފައިވަނީ އިޖުރާއަތްތަކާ އެއްގޮތަށް ކަމަށެވެ. އަދި "މުޖުތަމަޢުގެ ސަލާމަތާއި ރައްކާތެރިކަމަށްޓަކައި" އޭނާ އިތުރު 5 ދުވަހަށް ބަންދުގައި ބެހެއްޓުމަށް އަމުރުކުރެއްވިއެވެ.

ގާނޫނުލްއުޤޫބާތުގައިވާ ގޮތުން، އަމިއްލައަށް މަރުވާން އުޅުމަކީ ޖުނަޙުގެ އެއްވަނަ ދަރަޖައިގެ ކުށެކެވެ. މި ކުށުގެ އަސާސީ އަދަބަކީ 4 މަހާއި 24 ދުވަހުގެ ޖަލު ހުކުމެކެވެ. އަދި އޭގެ އެންމެ ބޮޑު އަދަބަކީ އެއް އަހަރަށް ޖަލަށްލުމެވެ.

އަމިއްލައަށް މަރުވުމަކީ އިސްލާމްދީނުގައި ޙަރާމްކުރައްވާފައިވާ ކަމެއްކަން ފާހަގަކޮށްލަމެވެ. އެފަދަ ޙާލަތަކަށް ހުށަހެޅިފައިވާ މީހަކު އެހީއަށް އެދި ގުޅާނީ ޤައުމީ ހެލްޕްލައިން 1677 އަށެވެ.

ފުލުހުން