މަޑިފުށިން މީހަކު ގެއްލިގެން ހޯދާތާ ތިން ދުވަސް، އަދިވެސް ނުފެނޭ

މަޑިފުށިން ގެއްލިގެން ހޯދާ ނިހާލު --- ފޮޓޯ/ ފުލުހުން

ތ. މަޑިފުށިން މީހަކު ގެއްލިގެން ހޯދުމުގެ މަސައްކަތް ކުރަމުންދާ ކަމަށް ފުލުހުން މިއަދު ބުނެފި އެވެ.

ގެއްލިގެން ހޯދަމުން ދަނީ ތ. މަޑިފުށި، ބޮންތި، ހަސަން ނިހާލު, 34 އެވެ.

ފުލުހުން ބުނީ ހަސަން އާއިލާއަށް ހަބަރެއް ނުވެ ގެއްލިފައިވާ ކަމަށް މިދިޔަ އާދީއްތަ ދުވަހުގެ ރޭ 8:07 ހާއިރު ރިޕޯޓުކުރުމާ ގުޅިގެން އޭނާ ހޯދުމުގެ މަސައްކަތް ކުރަމުން އަންނަ ކަމަށެވެ.

ހަސަނާ ގުޅޭ މައުލޫމާތެއް ލިބިފައިވާ ނަމަ، 3322111އަށް ނުވަތަ ތ. މަޑިފުށި ޕޮލިސް ސްޓޭޝަންގެ ނަންބަރު 9868475އަށް ގުޅައި އެ މައުލޫމާތެއް ހިއްސާ ކުރުމަށް ފުލުހުން ވަނީ އެދިފައެވެ.

މާލޭ ސަރަހައްދުން ދޭތެރެއަކުން މީހުން ގެއްލިގެން ރިޕޯޓު ކުރުމަކީ އާންމު ކަމެކެވެ. ގިނަ ފަހަރަށް ހޯދަން އިއުލާނު ކުރުމުން އެ މީހުން އަމިއްލައަށް ގެއަށް ދެއެވެ.

މިގޮތަށް ފެންނައިރު ގިނަ މީހުން ހެޔޮހާލުގައި ތިބޭއިރު، ބައެއް މީހުން މަރުވެފައި އޮއްވައި ފެނިފައި އެބަހުއްޓެވެ.

ފުލުހުން