ގާޒާގެ ދެކުނުގައި އޮންނަ ރަފަހް ސިޓީގައި އިޒްރޭލުން ފައްޓާފައިވާ އަސްކަރީ އޮޕަރޭޝަން ހުއްޓާލުމަށް އދ.ގެ އެންމެ މަތީ ކޯޓުން އިޒްރޭލުގެ މައްޗަށް އަމުރުކޮށްފި އެވެ.

"ގާޒާގައި ތިބި ފަލަސްތީން ރައްޔިތުންގެ ދިރިއުޅުމުގެ ހާލަތު ޖިސްމާނީ ގޮތުން އެކީ ނުވަތަ އެއް ބައި ނަމަވެސް ނެތި ފަނާވެގެން ދާނެ އެއްވެސް އަސްކަރީ އަދި އެހެނިހެން ހަރަކާތެއް ހިންގުން އިޒްރޭލުން ވަގުތުން ހުއްޓާލަން ޖެހޭ،"  އިންޓަނޭޝަނަލް ކޯޓް އޮފް ޖަސްޓިސް (އައިސީޖޭ)ގެ ރައީސް ނަވާފް ސަލާމް އިއްޔެ އަމުރު ކުރައްވާފައިވެ އެވެ.