ސުކޫލު ޗުއްޓީއަށް މޯލްޑިވިއަނުން އަތޮޅުތެރެއަށް ކުރާ ދަތުރުތައް އިތުރުކޮށްފި

އަބުދުވެސް ޗުއްޓީއާއި ދިމާކޮށް މޯލްޑިވިއަނުން ދަތުރުތައް އިތުރުކުރޭ

ސuކޫލު ޗުއްޓީއާ ދިމާކޮށް، ގައުމީ އެއާލައިން، މޯލްޑިވިއަނުން އަތޮޅުތެރެއަށް ކުރާ ދަތުރުތައް އިތުރުކޮށްފި އެވެ.

މޯލްޑިވިއަނުން މިއަދު ބުނީ، ޗުއްޓީއާ ދިމާކޮށް އެ އެއާލައިނުން ދަތުރުކުރާ މަންޒިލުތަކަށް ދަތުރުތައް އިތުރުކޮށްފައިވާ ކަމަށާއި މިހާރު ޓިކެޓު ބުކް ކުރެވޭނެ ކަމަށެވެ.

މޯލްޑިވިއަނުން ރާއްޖޭގެ 16 މަންޒިލަކަށް ދަތުރުކުރާއިރު ޗުއްޓީއާ ދިމާކޮށް ދަތުރުތައް އިތުރުކޮށްފައިވެއެވެ. މީގެ ތެރޭގައި ފުވައްމުލައް، ހއ. ހޯރަފުށި، އައްޑޫ ގަން، ހދ. ކުޅުދުއްފުށި، ގއ. ކައްދޫ، ށ. ފުނަދޫ، ގދ. ފަރެސްމާތޮޑާ، ބ. ދަރަވަންދޫ، ހދ. ހަނިމާދޫ އަދި ގދ. މާވާރުލު ހިމެނެއެވެ.

އިތުރުކޮށްފައިވާ ދަތުރުތަކުގެ ތެރޭގައި ފުވައްމުލަކަށް މި މަހުގެ 16، 17 އަދި 19 ވަނަ ދުވަހު އިތުރު ދަތުރުތަކެއް އޮންނާނެ އެވެ. އަދި އައްޑޫ ގަމަށް މި މަހުގެ 16 ވަނަ ދުވަހު އިތުރު ދަތުރެއް އޮންނާނެ އެވެ. މީގެ އިތުރުން، މި މަހުގެ 18 އަދި 19ގައި ކޮންމެ ދުވަހަކު އިތުރު ދެ ދަތުރު އޮންނާނެ އެވެ.

ޗުއްޓީއާ ދިމާކޮށް މޯލްޑިވިއަންގެ ދަތުރުތައް އަބަދު ވެސް އިތުރު ކުރެ އެވެ. ރާއްޖޭން ބޭރުން، އިންޑިއާގެ ކޮޗިން އާއި ޓްރެވިންޑްރަމްއަށް އަދި ރާއްޖޭގެ އެތެރޭގެ ޑިމާންޑު ބޮޑު އެހެން މަންޒިލުތަކަށް ޗުއްޓީ ތެރޭ އެ އެއާލައިނުން ކުރާ ދަތުރުތައް އިތުރު ކުރެ އެވެ.

މޯލްޑިވިއަން މޯލްޑިވިއަން އެއާރލައިންސް