މާލޭގެ ތިން ސަރަހައްދެއްގައި ރޭ މާރާމާރީ ހިންގައިފި
މާލޭގައި އަނެއްކާވެސް މިވަނީ މާރާމާރީތައް އިތުރުވެފައި
މާލޭގެ ތިން ސަރަހައްދެއްގައި ރޭ މާރާމާރީ ހިންގައިފި އެވެ.
ފުލުހުން ބުނާ ގޮތުގައި މި މާރާމާރީތައް ހިންގާފައިވަނީ މާފަންނު މުނިޔާމަގުގައި ހުންނަ ޑިޕަބްލިކް ކެފޭ ތެރޭގައި، ޝަހީދު ކުޑަނެވި ތުއްތު މަނިކު ހިނގުމުގައި ހުންނަ ކިންޒާ ކެފޭ ކުރިމަތީގައި އަދި ހެންވޭރު ފިލިގަސް މަގުގައި ހުންނަ ނޫރު މިސްކިތް ކައިރީގައެވެ.
ކިންޒާ ކުރިމަތީގައި ހިންގި މާރާމާރީގައި ތޫނު ހަތިޔާރު ބޭނުންކޮށްފައިވާ ކަމަށް ފުލުހުން މަޢުލޫމާތު ދީފައިވެއެވެ. ނަމަވެސް، މި މާރާމާރީތަކުގައި އެއްވެސް މީހަކު ޒަޚަމްވިކަން ނުވަތަ މީހަކު ހައްޔަރުކުރިކަން އަދި ފުލުހުން ހާމަކޮށްފައެއް ނުވެއެވެ.
މި މާރާމާރީތައް ހިނގާފައިވަނީ މާލޭގައި ސިލްސިލާކޮށް ހަމަލާ ބަދަލުކުރުންތަކެއް ހިނގާތާ ދުވަސްތަކެއް ވުމަށްފަހުގައެވެ. މިދިޔަ މަހުގެ ތެރޭގައި ވެސް ސިލްސިލާ މާރާމާރީތަކަކާއި ބައެއް ވެހިކަލްތަކުގައި ރޯކުރުމުގެ ހާދިސާތަކެއް ހިނގާފައިވާކަން ފާހަގަކުރެވެއެވެ.
ކޮމެންޓް