ވެމްކޯގެ މަސައްކަތް ފުޅާ ކުރަމުން ގޮސް، އިމާރާތް ތަޅައިދިނުމުގެ ހިދުމަތަށް
ވެމްކޯގެ މުވައްޒަފުން ކުނި އުކުމުގައި --
ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން އިމާރާތް ތަޅައިދިނުމުގެ ހިދުމަތް ދިނުމަށް ނިންމާފައިވާ ކަމަށް އެ ކުންފުނިން ހާމަކޮށްފި އެވެ.
އިމާރާތްތައް ފޮޅާ ސާފު ކުރުމާއި ރިސޯޓުތަކުން އުކާލަންޖެހޭ ކުނި ނެގުމުގެ ހިދުމަތް ވެމްކޯއިން އަންނަނީ މިހާރު ވެސް ދެމުންނެވެ.
ވެމްކޯއިން ބުނީ ޑިމޮލިޝިން، ނުވަތަ އިމާރާތް ތަޅައި ދިނުމުގެ ހިދުމަތް އަންނަ އަހަރުގެ ކުރީކޮޅުގައި ފެށޭތޯ މަސައްކަތް ކުރަމުން އަންނަ ކަމަށެވެ.
އެގޮތުން ކަމާ ގުޅުންހުރި އިދާރާ ތަކުގެ މަޝްވަރާއާ އެކު މިހާރު ކުރަމުން އަންނަނީ އިމާރާތް ތަޅައިދިނުމުގެ މަސައްކަތަށް އަގު ނަގާނެ ގޮތް ކަމަށާއި އެއަށްފަހު، ހިދުމަތުގެ އަގުތައް އާންމު ކުރާނެ ކަމަށް ވެމްކޯއިން ބުނެ އެވެ.
މިވަގުތު މާލޭ ސަރަހައްދުގެ އިތުރުން ރާއްޖޭގެ އަށް ސަރަހައްދެއްގައި ވެމްކޯގެ ހިދުމަތް ވަނީ ގާއިމުކޮށްފަ އެވެ.
ވެމްކޯ އިން ކުނި އުކުމުގެ ހިދުމަތް ދޭން ފެށީ 2018 ވަނަ އަހަރުގަ އެވެ.
ކޮމެންޓް