ފްލެޓް ލިސްޓުގެ ލިޔުންތައް ހުރީ ސަލާމަތުން: ހައުސިން މިނިސްޓްރީ

ހައުސިންގ މިނިސްޓްރީގައި މިއަދު ހެނދުނު ހިނގި އަލިފާނުގެ ހާދިސާއާ ގުޅިގެން، ގެދޮރުވެރިކަމާ ގުޅޭ އެއްވެސް ސްކީމެއްގެ ލިޔެކިއުމަކަށް އަސަރުނުކުރާނެކަމުގެ ޔަޤީންކަން ގެދޮރުވެރިކަމާއި ބިމާއި، އުމްރާނީ ތަރައްޤީއާ ބެހޭ ވުޒާރާއިން ދެއްވާފިއެވެ.

މި ހާދިސާއާ ގުޅިގެން އެ ވުޒާރާއިން ނެރުނު ބަޔާނުގައި ބުނެފައިވާ ގޮތުގައި، އެ ވުޒާރާ ހިންގާ އިމާރާތުގައި ރޯވި އަލިފާންގަނޑު ނިއްވުމުގެ މަސައްކަތް މިހާރު ދަނީ ކުރަމުންނެވެ. އަދި މި ހާދިސާއާ ގުޅިގެން އެ ވުޒާރާގެ އެޒާރާގެ އެއްވެސް މުވައްޒަފަކަށް އަނިޔާއެއް ވެފައިނުވާ ކަމަށްވެސް ވަނީ ހާމަކޮށްފައެވެ.

ގެދޮރުވެރިކަމާ ބެހޭ ވުޒާރާއިން އިތުރަށް ބުނެފައިވާ ގޮތުގައި، އެ ވުޒާރާގެ ދަށުން ބަލަހައްޓާ ގެދޮރުވެރިކަމުގެ އެއްވެސް ސްކީމެއްގެ ލިޔުންތަކަށް އަސަރެއް ނުކުރާނެއެވެ. އެއީ އެ ލިޔުންތަކަކީ އެ ވުޒާރާގެ ކްލައުޑް ހޯސްޓިންގ ސާވަރތަކުގައި ޑިޖިޓަލްކޮށް ބަލަހައްޓާ މަޢުލޫމާތުތަކެއް ކަމަށް ވާތީއެވެ.

މި ހާދިސާ ހިނގި އިމާރާތަކީ ގެދޮރުވެރިކަމާ ބެހޭ ވުޒާރާގެ އިތުރުން، އިމާރާތްކުރުމާއި ބިނާވެށްޓާ ބެހޭ ވުޒާރާ އަދި މާލެ ސިޓީ ކައުންސިލުގެ ރައްވެހިކަމުގެ މަސައްކަތްތައްވެސް ހިންގަމުންދިޔަ އިމާރާތެކެވެ. އަދި މި އަލިފާނުގެ އަސަރު އިންވެގެން ހުރި ތިމާވެށްޓާ ބެހޭ ވުޒާރާއަށްވެސް ކޮށްފައިވާ ކަމަށް އެމްއެންޑީއެފްއިން ވަނީ ބުނެފައެވެ.

ގެދޮރުވެރިކަމާ ބެހޭ ވުޒާރާއިން އިތުރަށް ބުނެފައިވާ ގޮތުގައި، މި ހާދިސާއާ ގުޅިގެން ސަލާމަތާއި ރައްކާތެރިކަމަށް ކުރެވެން ހުރި މަސައްކަތްތައް ގުޅުންހުރި އިދާރާތަކާ ގުޅިގެން ދަނީ ކުރަމުންނެވެ.