ބަދަލުދިން މައްސަލާގައި ކުރީ ރައީސް ސޯލިހު އާއި ފައްޔާޒުގެ މައްސަލަ ތަހުގީގުކުރަން އަންގައިފި

ކުރީގެ ރައީސް ޞާލިހާއި ކުރީގެ މިނިސްޓާރ ފައްޔާޒު

ކުރީ ސަރުކާރުން ގެއްލުމުގެ ބަދަލުގައި ބައެއް ފަރާތްތަކަށް ބަދަލުދިން ގޮތުން، ކުރީގެ ރައީސް އިބްރާހީމް މުހައްމަދު ޞާލިހާއި، ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލްގެ މައްސަލަ ބަލައި ތަހުގީގެއް ހިންގައި، ދައުވާ ކުރަން ޖެހިއްޖެ ހާލަތެއްގައި ދައުވާކުރުމަށް، ޕްރޮސެކިއުޓާ ޖެނެރަލް (ޕީޖީ) އޮފީހަށް އެންގުމަށް ރައްޔިތުންގެ މަޖިލީހުގެ މާލިއްޔަތު ކޮމިޓީން މިއަދު ނިންމައިފިއެވެ.

މި ހުށަހެޅުން ހުށަހެޅުއްވީ ފުނަދޫ ދާއިރާގެ މެންބަރު މުޙައްމަދު މަމްދޫޙް އެވެ. އަދި އެ ހުށަހެޅުމަށް ތާއީދުކުރެއްވީ ކެލާ ދާއިރާގެ މެންބަރު ޢަބްދުﷲ ޝަރީފެވެ. ކޮމެޓީން މި ހުށަހެޅުން ފާސްކުރީ ހަ މެންބަރުންގެ ވޯޓުންނެވެ.

ކޮމިޓީން މިގޮތަށް ނިންމީ، ދައުލަތުގެ އިސް މަޤާމެއްގައި ތިބެ، ދައުލަތުގެ މުދަލާއި ފައިސާއަށް ޚިޔާނާތްތެރިވެ، އޭގެ ޙައްޤުވެރިން ފިޔަވައި އެހެން ފަރާތްތަކަށް އޭގެ ނަފާ ހޯދައިދިން ކަމަށް ތުހުމަތުކުރެވޭތީ ކަމަށް ބުނެފައިވެއެވެ.

މީގެ އިތުރުން، 2019 އިން 2023 އަށް ސޮއިކޮށްފައިވާ އެއްބަސްވުންތަކަކީ ބާޠިލު އެއްބަސްވުންތަކެއް ކަމަށް ކަނޑައަޅައި، އެ އެއްބަސްވުންތަކުގެ ދަށުން ދީފައިވާ ބަދަލުތައް އަނބުރާ ދައުލަތަށް ނެގުމަށް ބަންޑާރަ ނައިބަށް އެންގުމަށްވެސް މިއަދުގެ ކޮމިޓީ ބައްދަލުވުމުން ނިންމިއެވެ.

ނަމަވެސް، ހުޅުމާލެ ދެކުނު ދާއިރާގެ މެންބަރު ޑރ. އަޙްމަދު ޝަމްހީދު ވަނީ މި ނިންމުމާ ދެކޮޅަށް ވާހަކަދައްކަވާފައެވެ. އޭނާ ވިދާޅުވީ މިއީ ސިޔާސީ ބޭނުމަށް ނިންމާ ނިންމުމެއް ކަމަށެވެ.

ރައީސް ސޯލިހު