އަމީން ދީދީއާ ގުޅުވައި ފައްޔާޒް ދެއްކެވި ވާހަކަތަކަކީ ސީރިއަސް މައްސަލައެއް: ޢަބްދުއްރަހީމް

ރައްޔިތުންގެ މަޖިލީހުގެ ރައީސް އަދި ޕީއެންސީގެ ޗެއަރޕާސަން ޢަބްދުއްރަޙީމް ޢަބްދުﷲ

އެމްޑީޕީގެ ޗެއަރޕާސަން ފައްޔާޒް އިސްމާޢީލް، ކުރީގެ ރައީސް މުޙައްމަދު އަމީން ދީދީއާ ގުޅުވައިގެން ދެއްކެވި ވާހަކަތަކަކީ އާދައިގެ ވާހަކައެއްކަމަށް ބަލައިގެން ނުވާނެ ކަމަށް ރައްޔިތުންގެ މަޖިލީހުގެ ރައީސް އަދި ޕީއެންސީގެ ޗެއަރޕާސަން ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

އެމްޑީޕީން އިއްޔެ ބޭއްވި ނޫސްވެރިންގެ ބައްދަލުވުމުގައި ފައްޔާޒް ވިދާޅުވީ، ރައީސުލްޖުމްހޫރިއްޔާ ރައްޔިތުންނަށް ދެރަދޭ އުސޫލުން ކަންކުރާނަމަ، ކުރީގެ ރައީސް މުޙައްމަދު އަމީނަށް ހެދި ގޮތް ނޫން އިތުރު ގޮތެއް ނެތް ކަމަށެވެ. މިކަމާ ގުޅޭގޮތުން ޢަބްދުއްރަޙީމް އެކްސްގައި ކުރެއްވި ޕޯސްޓެއްގައި ވިދާޅުވީ، އެއީ ކަނޑައެޅިގެން ޓެރަރިޒަމަށް ހިތްވަރުދިނުން ކަމަށެވެ.

"ޢަމުދުން އިދިކޮޅު ސިޔާސީ ޕާޓީގެ އެންމެ އިސް މަޤާމުގައި ހުންނެވި ބޭފުޅަކު މިފަދަ ވާހަކައެއް ދެއްކުމަކީ އާދައިގެ ކަމެއްކަމަށް ބަލައިގެންނުވާނެ" ޢަބްދުއްރަޙީމް ވިދާޅުވިއެވެ. އަދި މިއީ ކަމާގުޅޭ މުއައްސަސާތަކުން ވަރަށް ސީރިއަސްކަމާއެކު ވަގުތުން ބަލަންޖެހޭ ކަމެއް ކަމަށްވެސް އޭނާ ވިދާޅުވިއެވެ.

ފައްޔާޒްގެ ވާހަކަތަކާ ގުޅިގެން އަމީން ދީދީގެ ކާފަ ދަރިކަނބަލުން، ޑރ. ފަރަހަނާޒް ފައިޞަލްވެސް ވަނީ ކަންބޮޑުވުން ފާޅުކުރައްވާފައެވެ. ފަރަހަނާޒް ވިދާޅުވީ އިސްލާމީ ޝަރުޢީ ހަމަތަކުން ބޭރުން މީހަކު މަރާލުމަކީ ދުވަހަކުވެސް ޤަބޫލުކުރެވޭނެ ކަމެއް ނޫން ކަމަށެވެ.

ޕީއެންސީ އަދުރޭ