ޗެލްސީ ފަހަތުން އަރައި މޮޅުވި އިރު، އާސެނަލް އެއްވަރުވެއްޖެ
ޗެލްސީގެ ޕާމާ ވަނީ ދެ ޕެނަލްޓީން ދެ ލަނޑު ޖަހާފައި
އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުގައި އާސެނަލާއި ފުލަމް 1-1 އިން އެއްވަރުވިއިރު، ޗެލްސީ އިން ވަނީ ޓޮޓެންހަމް ހޮޓްސްޕާސް އަތުން 4-3 އިން މޮޅުވެފައެވެ.
ލީގުގެ އެއްވަނައިގައި އޮތް ލިވަޕޫލުގެ މެޗު މޫސުން ގޯސްވުމާ ގުޅިގެން ފަސްކޮށްފައިވާތީ، އާސެނަލާއި ޗެލްސީއަށް ލިވަޕޫލްގެ ލީޑު ކުޑަ ކުރުމުގެ ފުރުސަތު ލިބުނެވެ.
މިވަގުތު ލީގުގެ ޕޮއިންޓު ތާވަލުގައި ލިވަޕޫލް އެއްވަނައިގައި އޮތީ 14 މެޗުން 35 ޕޮއިންޓާ އެކުގައެވެ. ޗެލްސީ ދެވަނައިގައި 15 މެޗުން 31 ޕޮއިންޓާ އެކު އޮތްއިރު، އާސެނަލް ތިންވަނައިގައި އޮތީ 15 މެޗުން 29 ޕޮއިންޓާ އެކުގައެވެ. ހަތަރުވަނައިގައި އޮތް އެންމެ ފަހުގެ ޗެމްޕިއަން މެންޗެސްޓާ ސިޓީއަށް 15 މެޗުން 27 ޕޮއިންޓް ލިބިފައިވެއެވެ.
އާސެނަލާއި ފުލަމް ކުޅުނު މެޗުގައި ފުރަތަމަ ލަނޑު ޖެހީ ފުލަމްގެ ރައުލް ހިމެނޭޒްއެވެ. އާސެނަލުން އެއްވަރުކުރީ ދެވަނަ ހާފުގެ ކުރީކޮޅުގައި ވިލިއަމް ސަލީބާ ޖެހި ގޯލުންނެވެ. މެޗުގެ ފަހު ވަގުތު އާސެނަލްގެ ބުކާޔޯ ސަކާ ޖެހި ގޯލު ވީއޭއާރުން ބާތިލުކުރިއެވެ.
ޗެލްސީއާއި ޓޮޓެންހަމް ކުޅުނު މެޗުގައި ޓޮޓެންހަމްއިން ފުރަތަމަ ދެ ގޯލު ޖެހިއެވެ. ފުރަތަމަ ލަނޑު ޖެހީ ޑޮމިނިކް ސޮލާންކޭ އެވެ. އަދި ދެވަނަ ލަނޑު ޖެހީ ޑޭޖާން ކުލުސެވްސްކީއެވެ. ޗެލްސީގެ ފުރަތަމަ ލަނޑު ޖެހީ ޖޭޑަން ސަންޗޯއެވެ. އޭގެ ފަހުން ކޯލް ޕާމާގެ ޕެނަލްޓީއަކުން އެއްވަރުކުރިއެވެ.
ޗެލްސީއިން ލީޑުނެގީ އެންޒޯ ފެނާންޑޭޒް ޖެހި ގޯލުންނެވެ. އަދި ކޯލް ޕާމާ ވަނީ އިތުރު ޕެނަލްޓީއެއް ޖަހައި، ޗެލްސީގެ ލީޑު ފުޅާކޮށްދީފައެވެ. އިތުރު ވަގުތުގައި ޓޮޓެންހަމްގެ ސޮން ހެއުން މިން ގޯލެއް ޖެހި ނަމަވެސް އެއްވަރުކުރުމުގެ ފުރުސަތެއް ނުލިބުނެވެ.
ސިފައިންގެ އަހަރީ ދުވަސް ފާހަގަ ކުރަން ބޭއްވި މަގުމަތީ ހިނގާލުން ރައީސް ޝަރަފުވެރިކޮށްދެއްވައިފި
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ކޮމެންޓް