އިސްލާމިކް ކެލިގްރަފީގެ އާދަޔާހިލާފު ހުނަރު ދައްކާލި، ދަރިވަރާ ޝަހީމް ބައްދަލު ކުރައްވައިފި

މިނިސްޓަރު ޝަހީމް، ނާއިޝްއާ ބައްދަލުކުރައްވަނީ -- ފޮޓޯ/ މިނިސްޓްރީ

ކީރިތި ޤުރުއާން ލިއުމާއި އިސްލާމިކް ކެލިގްރަފީ ދާއިރާއިން އާދަޔާހިލާފު ފަންނުވެރިކަން ދައްކާލި، ދަރިވަރު ހުސައިން ނާއިޝް އާއި އޭނާގެ ބެލެނިވެރިންނާ އިސްލާމިކް މިނިސްޓަރު ޑރ.ޝަހީމް އަލީ ސައީދު ބައްދަލު ކުރައްވައިފި އެވެ.

މިނިސްޓްރީގައި ބޭއްވި އެ ބައްދަލުކޮށްލުމަށްފަހު މިނިސްޓަރ ޝަހީމް ވިދާޅުވީ ނާއިޝް އެދުނު ގޮތަށް، އެ ދާއިރާއިން އޭނާއަށް ބޭނުންވާ އިތުރު ހުނަރު ދަސްކޮށް ދިނުމަށް މިނިސްޓްރީ އިން އެހިވާނެ ކަމަށެވެ.

ޝަހީމް ވިދާޅުވީ ނާއިޝް ސްކޫލް ނިމުމުން، ޤުރުއާން މަރުކަޒު ތެރޭގައި އެ ހުނަރު އެހެން ކުދިންނަށް ދަސްކޮށްދިނުމަށް އޭނާއާ މަސައްކަތްތަކެއް ހަވާލު ކުރާނެ ކަމަށެވެ.

އޭގެ އިތުރުން ރާއްޖޭގައި މި އަންނަ އަހަރު ހުޅުވާ އައްޑޫ އިސްލާމިކް ސެންޓަރާއި ހިތަދޫ އިސްލާމިކް ސެންޓަރާއި ފުވައްމުލައް ސިޓީގެ ޤުރުއާން މަރުކަޒުގައި ނާއިޝްގެ އިސްލާމިކް ކެލިގްރަފީގެ ފަންނުވެރި ލިޔުންތައް ބަހައްޓާނެ ކަމަށް ވަޒީރު ޝަހީމް ވިދާޅުވި އެވެ.

"އިސްލާމިކް ކެލިގްރަފީ ހެދުމަށް ބޭނުންވާ އެންމެހައި ޒަމާނީ ވަސީލަތްތައް މި ދަރިވަރަށް ހޯދައިދެވޭނެ. އަދި މި ދާއިރާއިން އިތުރު ހުނަރު އޭނާއަށް ދަސްކޮށްދިނުމަށް ދާއިރާގެ ފަންނުވެރިޔަކު ހަމަޖައްސާނެ" ޝަހީމް ވިދާޅުވި އެވެ.

ވަޒީރު ވިދާޅުވިގޮތުގައި އިސްލާމީ ދާއިރާތަކުން ކުރިއަށް ދާން ޝައުގު ހުރި މިފަދަ ހުރިހައި ކުދިންނަށް ވެސް މި ފުރުސަތު އޮންނާނެ އެވެ.

މިނިސްޓަރ ޝަހީމް