ރަސްދޫ ބޯހިޔާވަހިކަމަށް މި ސަރުކާރުން ކުރާ މަސައްކަތް ޝުކުރުވެރިކަމާ އެކު ބަލައިގަންނަން: ކައުންސިލް

ރައީސް ޑރ. މުއިއްޒު އއ. ރަސްދޫ ކައުންސިލާ މިއަދު ބައްދަލުކުރެއްވުން -- ފޮޓޯ/ ރައީސް އޮފީސް

ރަސްދޫގެ ބޯހިޔާވަހިކަމަށް މި ސަރުކާރުން ކުރަމުން އަންނަ މަސައްކަތްތައް ބަލައިގަންނަނީ ޝުކުރުވެރިކަމާއެކު ކަމަށް އެރަށު ކައުންސިލުން ބުނެފި އެވެ.

ކައުންސިލުން މިހެން ބުނީ ރައީސް، ރަސްދޫ ކައުންސިލާއި، ޑަބްލިޔުޑީސީއާއެކު މިއަދު މިއަދު މެންދުރު ކައުންސިލްގެ އިދާރާގަ އެވެ.

މި ބައްދަލުކުރެއްވުމުގައި ކައުންސިލުން ވަނީ ރަށުގެ ތަރައްގީއަށް މިވަގުތަށް އެންމެ މުހިންމު ކަންކަމުގެ މައުލޫމާތު ހިއްސާކުރައްވާފަ އެވެ.

އެގޮތުން ރަށުގެ ގިރާ ސަރަހައްދު ހިމާޔަތް ކުރުމަށް ބޭނުންވާ ކަމަށާއި، އަދި ރަށުގައި އިތުރު 50 ހައުސިން ޔުނިޓް އެޅުމަށްބޭނުންވާ ކަމަށާއި، މަސްވެރިންނަށް އައިސް ލިބުމުގައި ހުރި ކަންބޮޑުންތައް ކައުންސިލުން ހިއްސާ ކުރެއްވި އެވެ.

މި ބައްދަލުކުރެއްވުމުގައި ރައީސް ދެއްކެވި ވާހަކަފުޅުގައި ކައުންސިލުން ފާހަގަކުރެއްވި ކަންކަމާއި، އެމަނިކުފާނު ވައުދުވެވަޑައިގެންފައިވާ ކަންކަން ފުރިހަމަ ކުރެއްވުމަށް މަސައްކަތް ކުރައްވާނެކަމުގައި ވިދާޅުވި އެވެ.

އޭގެ އިތުރުން ކައުންސިލުން ފާހަގަކުރެއްވި ކަންކަން ފަހިކުރެއްވުމަށް މިހާރު ކުރައްވަމުންގެންދަވާ މަސައްކަތްތައް ރައީސް ޙިއްޞާކުރެއްވިއެވެ. އަދި ކައުންސިލުން އިގުތިސާދީ ފައިދާވާ ކަހަލަ ކަމެއް ކުރުމަށް ހުށަހަޅުއްވައިފިއްޔާ ސަރުކާރުން އެކަމަށް ފުރިހަމަ އެއްބާރުލުން ދެއްވާނެ ކަމުގައި އެމަނިކުފާނު ވިދާޅުވި އެވެ.

ރައީސް ޑރ މުޙައްމަދު މުޢިއްޒު