މާފަންނު މަދަރުސާގެ ތިރީބުރީގައި ހޯލެއް ހަދައިދޭނެކަމުގެ ޔަގީންކަން ރައީސް ދެއްވައިފި

ރައީސް ޑރ. މުއިއްޒު، މާފަންނު މަދަރުސާގެ 40 ވަނަ އަހަރީ ދުވަސް ޝަރަފްވެރިކޮށްދެއްވުން -- ފޮޓޯ ރައީސް އޮފީސް

މާފަންނު މަދަރުސާގެ ތިރީބުރީގައި އައު ހޯލެއް އަންނަ އަހަރު ތެރޭގައި ތަރައްގީކޮށްދެއްވާނެ ކަމުގެ ޔަގީންކަން ރައީސް ޑރ. މުޙައްމަދު މުއިއްޒު މިއަދު ދެއްވައިފި އެވެ.

އެ މަނިކުފާނު މިކަމުގެ ޔަގީންކަން ދެއްވީ މާފަންނު މަދަރުސާއަށް 40 އަހަރު ފުރުމުގެ މުނާސަބަތުގައި ހަވީރު އޮތް ހާއްސަ ރަސްމިއްޔާތުގައި ދެ ދަރިވަރަކު ސުކޫލްގެ ހޯލު މަތީ ފަންގިފިލައެއްގައި ހުންނާތީ އެކުދިންގެ މާމަމެންނާއި ކާފަމެންނަށް ހޯލަށް ވަނުމަށް ދަތިވެފައިވާ ކަމަށް ބުނެ ކަންބޮޑުވުން ފައުޅު ކުރުމުންނެވެ.

މާފަންނު މަދަރުސާގެ އެ ދެ ދަރިވަރުން ދެންނެވި ފަދައިން، ރައީސް ވަނީ އިސް ރަށްވެހިންނަށް ވެސް ފަސޭހައިން ބޭނުން ހިފޭ ފަދަ ގޮތަކަށް، އަންނަ އަހަރުގެ ތެރޭގައި، ސުކޫލުގެ ތިރީ ބުރީގައި، ހޯލެއް ތަރައްގީކޮށްދެއްވާނެ ކަމުގެ ޔަގީންކަން ދެއްވާފަ އެވެ.

"ދަރިވަރަކު ދެންނެވި ފަދައިން، އިސްރަށްވެހިންނަށްވެސް ފަސޭހައިން ބޭނުން ހިފޭ ފަދަ ގޮތަކަށް، 2025 ވަނަ އަހަރުގެ ތެރޭގައި، ސްކޫލުގެ ގްރައުންޑް ފްލޯގައި، ހޯލެއް ތަރައްގީކޮށްދޭނެ ކަމުގެ ޔަޤީންކަން ދެން" ރައީސް ވިދާޅުވި އެވެ.

މިރަސްމިއްޔާތުގައި ވަނީ މާފަންނު މަދަރުސާއަށް އެކި ގޮތްގޮތުން ހިދުމަތް ކުރެއްވި ބޭފުޅުންނަށް ހަނދާނީ ފިލައެއް އަރުވާފަ އެވެ.

ރައީސް ޑރ މުޙައްމަދު މުޢިއްޒު