ރަސްފަންނުން ވިހަގަދަ ބޮއްޔެއް ފެންނާތީވެ ސަމާލުވުމަށް އެދިއްޖެ
ރާއްޖެއިން ދޭތެރެ ދޭތެރެއިން މިބާވަތުގެ ވިހަގަދަ ބޮލިފެނޭ
ރާއްޖޭގެ ވެރިރަށް މާލޭގެ ރަސްފަންނުން ވަރަށް ވިހަގަދަ ބޮއްޔެއް ކަމަށްވާ 'ކޯން ސްނެއިލް' ފެންނަ ކަމަށް ބުނެ، އެކަމަށް ސަމާލުކަން ދިނުމަށް ތިމާވެށީގެ ދިރުންތަކާ ގުޅޭގޮތުން މަސައްކަތްކުރާ ޖަމިއްޔާ 'އޯޝަންހޯލިކް މޯލްޑިވްސް' އިން އާންމުންނަށް އިލްތިމާސްކޮށްފިއެވެ.
އޯޝަންހޯލިކް ޖަމިއްޔާއިން މައުލޫމާތު ދިންގޮތުގައި، މި ބޮލި ރަސްފަންނުން ފެންނަނީ ހަވީރާއި ރޭގަނޑުގެ ވަގުތުތަކުގައެވެ. އާންމުކޮށް ފުނުގައި އުޅޭ މި ބޮލި ތިލަވަނީ ރޭގަނޑުގެ ފިނިކަން ވެރިވުމުންނެވެ. މިއީ ރާއްޖެއިން ކުރިން ވެސް ފެނިފައިވާ ބާވަތެއްގެ ބޮއްޔެކެވެ.
މި ބޮލީގެ ނުރައްކާތެރިކަމުގެ ސަބަބުން، ރަސްފަންނުގައި މޫދަށް އެރި އުޅޭއިރު ސަމާލުވުމަށް އޯޝަންހޯލިކް ޖަމިއްޔާއިން އެދިފައިވެއެވެ. އެގޮތުން، މޫދަށް އެރި އުޅޭއިރު ބޫޓަށް އަރައިގެން އުޅުމަށާއި، ޚާއްޞަކޮށް ކުޑަކުދިން ރައްކާތެރިކުރުމަށް އަދި ވިލުގައި ހުސްފައިން ނޫޅުމަށް އެ ޖަމިއްޔާއިން އިރުޝާދު ދީފައިވެއެވެ.
އޯޝަންހޯލިކް ޖަމިއްޔާއިން ބުނިގޮތުގައި، ބޮލީގެ ބާވަތާއި ސައިޒަށް ބަލާފައި މިއީ ވަރަށް ވިހަގަދަ އަދި ބައެއް ފަހަރު ފުރާނައަށް ވެސް ނުރައްކާތެރި އެއްޗަކަށް ވެދާނެއެވެ. ޝިކާރަ އަތުޖެހުމުން، ބޮލީގައި އިންނަ ދަތަކުން އޭގައި ދަތް އަޅައި، އޭގެ ވިހައިން ޝިކާރަ ކޮށްލާ ނުވަތަ މަރާލައެވެ. އިންސާނުންނަށް ވެސް މި ވިހައިގެ ނުރައްކާ ބޮޑެވެ.
މާހިރުން ބުނާގޮތުގައި، އެންމެ ނުރައްކާތެރި ކޯންސްނެއިލްގެ ބާވަތަށް ކިޔަނީ 'ސިނގިރޭޓް ސްނެއިލްސް' އެވެ. މި ބޮލި ވިހަލައިފިނަމަ ފުރާނަ ސަލާމަތް ކުރަން ލިބެނީ ސިނގިރޭޓެއް ބޯލަން ނަގާހާ ވަގުތުކޮޅެކެވެ. ރާއްޖޭގެ މޫދު ފަސްގަނޑުން، އެކި ކުލަކުލައިގައި ހުންނަ މި ބޮލި ބައެއް ފަހަރު ފެނެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް