އިޒްރޭލް މީހުން ޒަރޫރީ ކަމެއްގައި ނޫނީ ރާއްޖެ ނުދާން އަންގައި އެލާޓް ލެވެލް މަތިކޮށްފި

އިޒްރޭލުގެ ހަރުކަށި ޔަހޫދީން ޒަރޫރީ ކަމެއްގައި ނޫނީ ރާއްޖެއަށް ދަތުރު ނުކުރުމަށް އެ ގައުމުން އަންގައިފި އެވެ.

އިޒްރޭލާ ދެކޮޅު މާހައުލެއް ރާއްޖޭގައި އުފެދި، ވަރުގަދަވަމުން އަންނަ ކަމަށް ބުނެ، އެ ގައުމުގެ ރަައްޔިތުންގެ ރާއްޖެއަށް ދަތުރު ނުކުރުމަށް އަންގައި އެންމެ ފުރަތަމަ ޓްރެވަލް އެޑްވައިޒަރީ ނެރެފައި ވަނީ 2023 ވަނަ އަހަރުގެ އޮކްޓޯބަރު 19، ގައެވެ.

އޭރު ރާއްޖެ އަށް ނެރުނު އެލާޓް ލެވެލް މިއަދު ވަނީ ދެ ވަނަ ލެވްލެއިން ތިން ވަނަ ލެވެލްއަށް މަތިކޮށްފަ އެވެ.

ދެވަނަ ލެވެލްގައި ބުނަނީ ދަތުރު ކުރުމުގައި ރައްކާތެރިވުމުގެ އިތުރު ފިޔަވަޅުތައް އެޅުމަށެވެ.

އެކަމަކު އެ ގައުމަކަށް ދަތުރު ނުކުރުމަށް ނުވަތަ ގައުމުން ފޭބުމަށް އިލްތިމާސެއް ނުކުރެއެވެ.

އެއާ ހިލާފަށް ތިން ވަނަ ލެވެލްގައި އިންޒާރު ދީފައި ވަނީ ކޮންމެހެން ކުރާން ޖެހޭ ދަތުރެއް ނޫނީ އެ ސަރަހައްދަކަށް ނުކުރުމަށެވެ.

އިޒްރޭލުން މިފަހަރު ނެރުނު ޓްރެވަލް އެޑްވައިޒަރީގައި ބުނަނީ ޓެރަރިސްޓުންނަށް ތާއިދު ކުރާ މީހުން ރާއްޖޭގައި އެބަތިބި ކަމަށާއި އެފަދަ މީހުންގެ ނުރައްކާ ޔަހޫދީންނަށް އޮތް ކަމަށެވެ.

ޔަހޫދީ ފައުޖުން ގައްޒާގެ މުސްލިމުންގެ ނަސްލުހޭދު ކުރަން ހިންގަމުންދާ ގަތުލުއާންމާ ދެކޮޅަށް ދިވެހީން އަންނަނީ އަޑުއުފުލާ ރުޅިވެރިކަމުގެ ބަސްތައް ރައްދު ކުރަމުންނެވެ. އަދި އިޒްރޭލު ޕާސްޕޯޓް އޮންނަ މީހުންނަށް ރާއްޖެ ނާދެވޭ ގޮތަށް ހެދުމަށް ވެސް ގިނަ އަދަދެއްގެ ރައްޔިތުން އަންނަނީ ގޮވައިލަމުންނެވެ.

މިދިޔަ އަހަރު އޮކްޓޯބަރު ހަތް ވަނަ ދުވަހުން ފެށިގެން ހުއްޓުމެއް ނެތި ޔަހޫދީ އިޒުރޭލުން ފަލަސްތީންގެ ޣާއްޒާއަށް ދެމުން ގެންދާ ހަމަލާތަކުގައި 44532 މީހުން ވަނީ ޝަހީދުކޮށްލާފަ އެވެ. މީގެ ތެރޭގައި 17،000ވަރަކަށް ހާސް ކުޑަކުދިން ހިމެނެ އެވެ.