ގަލޮޅު ސަހަރާއިން ބައެއް މަހާނަތައް ނެގުމަށް ނިންމައިފި
ގަލޮޅު ސަހަރާ
ގަލޮޅު ސަހަރާގައި ކުރަމުންދާ މަސައްކަތަކާ ގުޅިގެން، އެ ތަނުގައި ހުރި ބައެއް މަހާނަތައް ނެގުމަށް ނިންމާފައިވާ ކަމަށް މާލޭ ސިޓީ ކައުންސިލުން ބުނެފިއެވެ.
މި ގޮތަށް ނިންމާފައިވަނީ ސަހަރާ މަރާމާތުކޮށް، ބަދަލުތައް ގެނައުމުގެ މަސައްކަތް ކުރަމުން އަންނަތާ ދުވަސްތަކެއް ވުމަށްފަހުގައެވެ.
ކައުންސިލުން މަޢުލޫމާތު ދީފައިވާ ގޮތުގައި ސަހަރާގެ ހުޅަނގު އުތުރު ފަރާތާއި ދެކުނު ފަރާތު ސަރަހައްދުގައި ހުރި މިނިކަށިތައް ނަގަން ނިންމާފައިވެއެވެ. މި މަސައްކަތް ކުރުމަށްޓަކައި ފުރަތަމަ ޖެހެނީ އެ ސަރަހައްދުގައި ހުރި މަހާނަ ގާތައް ނަގަންކަމަށް ކައުންސިލުން ބުނެފައިވެއެވެ. ނަމަވެސް، ސަހަރާގައި ވަޅުލާފައި ހުރި މިނިކަށިތައް ދެން ވަޅުލާނެ ތަނެއް އަދި ހާމަކޮށްފައެއް ނުވެއެވެ.
މި މަސައްކަތާ ގުޅިގެން، ސިޓީ ކައުންސިލުން ވަނީ އެ ސަރަހައްދުގައި މަހާނަގާތައް ޖަހާފައިވާ ފަރާތްތަކަށް، ގާތައް ނަގައިގެން ގެންދިޔުމަށް މުއްދަތެއް ދީފައެވެ. އެގޮތުން މި މަހުގެ 15 ވަނަ ދުވަހުގެ ކުރިން ގާތައް ނަގައިގެން ގެންދިޔުމަށް އަންގާފައިވެއެވެ. އަދި އެ މުއްދަތުގައި ނުނަގާ ގާތައް، ކައުންސިލުން ނަގައި ނައްތާލާނެ ކަމަށްވެސް ބުނެފައިވެއެވެ.
ފާހަގަކޮށްލަންޖެހޭ ކަމަކީ، ގަލޮޅު ސަހަރާ މަރާމާތު ކުރުމުގެ މަސައްކަތް ފެށިފައިވަނީ މިދިޔަ އަހަރުގެ ޖޫން މަހުގެ ތެރޭގައި ކަމަށާއި، މަސައްކަތް ދިގުލައިގެން ދިޔުމާ ގުޅިގެން ސަރުކާރުން ވަނީ މިދިޔަ ޖެނުއަރީ މަހު އެ މަސައްކަތް އެހެން ކުންފުންޏަކާ ހަވާލުކޮށްފައެވެ. މި މަސައްކަތުގެ ސަބަބުން ޖަނާޒާގެ ކަންކަން މެދުކަނޑާލެވިފައި އޮތުމަށްފަހު، އަލުން އެ ކަންކަން ކުރަން ފަށާފައިވަނީ މީގެ ދެ މަސް ކުރިންނެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް