ރާއްޖޭގައި ދިރިއުޅޭ ދޫނި ހިމާޔަތްކުރަން ދިރާސާކުރުމުގެ އެއްބަސްވުމެއްގައި ސޮއިކޮށްފި

އެއްބަސްވުމުގައި ސޮއިކުރުމުގެ ތެރެއިން

ރާއްޖެއަށް ހިޖުރަކުރާ ދޫންޏާއި ރާއްޖޭގައި އުޅޭ ދޫނިސޫފާސޫތްޕާ ބެހޭ ދިރާސާއެއް ކުރުމަށް އެންވަޔަރަންމަންޓް ޕްރޮޓެކްޝަން އެޖެންސީ (އީޕީއޭ) އާއި ނިއުޒިލޭންޑުގެ އޮކްލޭންޑް ޔުނިވަރސިޓީއާ ދެމެދު، އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގެ ދަށުން ކުރާ ދިރާސާގައި، ރާއްޖެއަށް ހިޖުރަކުރާ ދޫނިސޫފާސޫތްޕާއި ރާއްޖޭގައި އުޅޭ ކަނޑުމަތީ ދޫނިތަކުގެ ދިރިއުޅުމުގެ ވައްޓަފާޅިއަށް އަލިއަޅުވާލާނެއެވެ. މީގެ ތެރޭގައި އެ ދޫނިތައް ހާލިހަދާ ތަންތަނާއި، ނިދާ ތަންތަނާއި، ކާނާ ހޯދާ ގޮތްތަކާއި ތަންތަން ހިމެނެއެވެ.

އީޕީއޭއިން ބުނާ ގޮތުގައި މި ދިރާސާގެ ސަބަބުން ދޫނިސޫފާސޫފީގެ ވާސަތައް ހިމާޔަތްކުރުމަށް އިތުރު ބާރެއް ލިބިގެންދާނެއެވެ. މި އެއްބަސްވުމުގައި އީޕީއޭގެ ފަރާތުން ސޮއިކުރެއްވީ އެންވަޔަރަންމަންޓް މިނިސްޓަރު، ތޯރިގު އިބްރާހީމެވެ.

ރާއްޖެއަށް ދޫނި ހިޖުރަކުރާ މޫސުމަކީ އާންމުކޮށް ކޮންމެ އަހަރެއްގެވެސް ހެއި ނަކަތް ފެށި، ހުޅަނގު މޫސުން ނިމުމާ ދިމާވާ ދުވަސްވަރެވެ. ދިވެހިންގެ އާންމު ގަބޫލުކުރުމެއްގެ ގޮތުގައި، ހިޖުރަކުރާ ދޫނި ރާއްޖެއިން ފެނުމަކީ އިރުވައި މޫސުން ފެށުމުގެ އަލާމާތެކެވެ.

ރާއްޖެއަކީ ހިޖުރަކުރާ ދިރޭތަކެއްޗާ ބެހޭ އދ. ގެ މުއާހަދާ، "ކޮންވެންޝަން އޮން މައިގްރޭޓަރީ ސްޕީޝީޒް" ގެ މެންބަރު ޤައުމެކެވެ. މި ދިރާސާއަކީ އެ މުއާހަދާގެ ދަށުން ރާއްޖެއިން އަދާކުރަންޖެހޭ ޒިންމާތައް އަދާކުރުމަށް އެޅޭ މުހިންމު ފިޔަވަޅެއް ކަމުގައި ބެލެވެއެވެ.

މިނިސްޓަރ ތޯރިގު ތިމާވެއްޓާއި ބެހޭ ވުޒާރާ