މާލޭގެ ގެއެއްގައި 53 އަހަރުގެ މީހަކު މަރުވެފައި އޮއްވާ ފެނިއްޖެ
ގޮތްނޭގޭ މަރުތައް ދޭތެރެ ދޭތެރެއިން ގިނަވެގެން ދެއެވެ.
މާލޭ ގުލާބީމަގުގައި ހުރި ގެއެއްގެ ތެރެއިން 53 އަހަރުގެ މީހަކު މަރުވެފައި އޮއްވާ ފެނިއްޖެއެވެ.
މޯލްޑިވްސް ޕޮލިސް ސަރވިސްއިން މަޢުލޫމާތު ދީފައިވާ ގޮތުގައި މަރުވެފައި އޮތް މީހާއަކީ މއ. ހުދު އަކިރި އަބްދުﷲ ހަސަނެވެ.
ފުލުހުންނަށް މި މައްސަލައިގެ ރިޕޯޓު ލިބުމާ ގުޅިގެން އަބްދުﷲ ހަސަން ވަނީ އައިޖީއެމްއެޗް ހޮސްޕިޓަލަށް ގެންގޮސްފައެވެ. ނަމަވެސް ހޮސްޕިޓަލަށް ގެންދިޔައިރުވެސް އޭނާ ވަނީ ނިޔާވެފައި ކަމަށް ހޮސްޕިޓަލުން މަޢުލޫމާތު ދީފައިވެއެވެ.
ހޮސްޕިޓަލުން އިތުރަށް މަޢުލޫމާތު ދީފައިވާ ގޮތުގައި އަބްދުﷲ ހަސަންގެ ހަށިގަނޑުގެ ބޭރުފުށުން އެއްވެސް އަނިޔާއެއްގެ ނިޝާނެއް ފެންނަން ނެތެވެ. މި ކަމާ ގުޅިގެން ފުލުހުން ދަނީ އިތުރަށް ތަޙުޤީޤު ކުރަމުންނެވެ.
މި މައްސަލައިގައި އިތުރު ތަފްސީލުތައް ހާމަކުރެވޭނީ ތަޙުޤީޤު ކުރިއަށްދާ މިންވަރަކުން ކަމަށް ފުލުހުން ބުނެފައިވެއެވެ. އަދި މަރުގެ ސަބަބު ދެނެގަތުމަށް އިތުރު ތަޙުލީލުތައް ކުރިއަށްދާނެ ކަމަށްވެސް ބެލެވެއެވެ.
ކޮމެންޓް