އައިޑީ ކާޑު ހެދުމުގެ މަސައްކަތް އައްޑޫ ސިޓީގައި ފަށައިފި

ރައީސް ޑރ. މުޙައްމަދު މުއިއްޒު (ކ) އަދި އައްޑޫ މޭޔަރު އަލީ ނިޒާ (ވ) --

ދިވެހި ރައްޔިތެއްކަން އަންގައިދޭ ކާޑު ހެދުމުގެ ހިދުމަތް އައްޑޫ ސިޓީގައި މިއަދު ފެށިގެންދޭން ފަށައިފިއެވެ.

އައްޑޫ ކައުންސިލުން ގެޒެޓް ކުރި އިއުލާނުގައި ބުނަނީ އެ އޮފީހުން ޑިޕާޓްމަންޓް އޮފް ނޭޝަނަލް ރަޖިސްޓްރޭޝަންގެ ނާރެސް ޕޯޓަލް ބޭނުން ކުރަން ފަށާފައިވާ ކަމަށާއި އެހެންވެ، މިއަދުން ފެށިގެން އައިޑީ ކާޑުގެ ހަދައިދިނުމުގެ މަސައްކަތް ކުރިއަށް ދާނެ ކަމަށެވެ.

އެ ކައުންސިލުން ބުނެފައި ވަނީ އެތަނުން އައިޑީ ކާޑު ހަދައިދިން ކަމުގައި ވިޔަސް ޑީއެންއާރު އޮންލައިން ޕޯޓަލް މެދުވެރިކޮށް އަމިއްލައަށް ކާޑަށް ހުށަހެޅުމުގެ ފުރުސަތު އޮންނާނެ ކަމަށެވެ.

މި ހިދުމަތް ލިބެން ހުންނާނީ ރަސްމީ ދުވަސްތަކުގެ ހެނދުނު 9:00 އިން 11 އަށް އަދި މެންދުރުފަހު 1:00 އިން 2:00 އަށެވެ.

ރާއްޖޭގައި ދިރިއުޅޭ ރައްޔިތުންގެ މައުލޫމާތު އެއްކޮށް އެއްތަނަކުން ބެލެހެއްޓުމުގެ މަސައްކަތް 1984 ވަނަ އަހަރު ފެށީ އައިޑެންޓިޓީ ކާޑު ޔުނިޓުގެ ނަމުގައެވެ.

އެއަށް ފަހު އޮފީހުގެ ނަން ޑިޕާޓްމަންޓް އޮފް ނޭޝަނަލް ރަޖިސްޓްރޭޝަނަށް ބަދަލުކުރީ 1993 ވަނަ އަހަރުގެ ނޮވެމްބަރު މަހުގެ 11 ވަނަ ދުވަހުއެވެ.

ޑީއެންއާރު