ރޭ ފަތިހު ފުރުޤާން މިސްކިތަށް ގެއްލުން ދީފި
ފުރުގާން މިސްކިތައް ދީފައިވާ ބައެއް ގެއްލުންތައް
މާލޭގައި ހުންނަ ފުރުޤާން މިސްކިތަށް ރޭ ފަތިހު ގެއްލުންތަކެއް ދީފިއެވެ.
ފުލުހުން މި މައްސަލަ ކަށަވަރުކޮށްދިން އިރު، އެ މުއައްސަސާއިން ބުނީ މައްސަލަ ތަޙުޤީޤު ކުރަމުންދާ ކަމަށެވެ.
އާންމުވެފައިވާ ވީޑިއޯތަކުން ފެންނަ ގޮތުގައި، މިސްކިތުގެ އިމާމު ނަމާދު ކުރާ ސަރަހައްދުގައި ހުރި ބައެއް ކަރަންޓު ބޯޑުތަކާއި ވުލޫ ކުރާ ސަރަހައްދުގައި ހުރި އިސްކޫރުތަކަށް ގެއްލުންދީފައި ހުރި ކަން ފާހަގަކުރެވެ އެވެ. ނަމަވެސް މި ގެއްލުން ދިނީ ބަޔަކު ވެގެންކަމެއް ނުވަތަ އެކަކު އެކަނިކަމެއް އަދި ކަށަވަރެއް ނުވެ އެވެ.
ދިވެހި ފުލުހުންގެ ފަރާތުން މީޑިއާތަކަށް ފުލުހުން ފޮނުވި މެސެޖެއްގައި ބުނީ ފުރުގާން މިސްކިތަށް ގެއްލުންދިން މައްސަލަ އެ މުއައްސަސާއަށް ހުށަހަޅާފައިވާ ކަމަށާއި އެ މައްސަލަ ތަހުގީގު ކުރަމުންދާ ކަމަށެވެ.
މީގެ ކުރިންވެސް ބައެއް މިސްކިތްތަކަށް ގެއްލުންދީފައިވާ އިރު ބައެއް މައްސަލަތައް ތަހުގީގުކޮށް ބައެއް މީހުންނާއި މެދު ފިޔަވަޅު އެޅިފައި ވެސް ވެއެވެ.
ކޮމެންޓް