އެމްއެންޑީއެފްއާއި އިންޑިއާ އަސްކަރިއްޔާ ގުޅިގެން ހިންގި "އެކްސަސައިޒް އެކަތަ" ނިންމާލައިފި

އެމްއެންޑީއެފްއާއި އިންޑިއާ އަސްކަރިއްޔާ ގުޅިގެން ހިންގި އެކްސައިޒް އެކަތަ ނިންމައިލުން --

އެމްއެންޑީއެފްއާއި އިންޑިއާ އަސްކަރިއްޔާ ގުޅިގެން އަހަރަކު އެއްފަހަރު ބާއްވަމުން އަންނަ "އެކްސަސައިޒް އެކަތަ" ގެ ހަތް ވަނަ ސިލްސިލާ، ކާމިޔާބު ކަމާއެކު ނިންމާލައިފިއެވެ.

މި އެކްސަސައިޒް ނިންމުމުގެ ގޮތުން ޅ. މާފިލާފުށީގައި ހުންނަ ކޮމްޕޮސިޓް ޓްރެއިނިން ސެންޓަރުގައި މިއަދު ބޭއްވި ރަސްމިއްޔާތު ޝަރަފުވެރިކޮށްދެއްވީ ޗީފް އޮފް ޑިފެންސް ފޯސް، މޭޖާ ޖެނެރަލް އިބްރާހީމް ހިލްމީއެވެ.

އޮކްޓޫބަރު 28 އިން ނޮވެންބަރު 23 ވަނަ ދުވަހުގެ ނިޔަލަށް ހިންގި އެކްސަސައިޒްގައި އިންޑިއަން ނޭވީ، މެރިން ކޮމާންޑޯއާއި އެމްއެންޑީއެފް މެރިން ކޯ، ސްޕެޝަލް އޮޕަރޭޝަންސް ގުރޫޕްގެ އޮޕަރޭޓިވްސް ބައިވެރިވިއެވެ.

މި ތަމްރީނުތަކުގައި މައިގަނޑު ގޮތެއްގައި ފަރިތަކޮށްފައި ވަނީ ޓެކްޓިކަލް ޑައިވިން، ފަޔަރިން، ސްލިދަރިން އަދި ބޯޑިން ހުނަރު ތަކެވެ.

"އެކްސަސައިޒް އެކަތަ" ގެ ހަތް ވަނަ ސިލްސިލާ، ނިންމުމުގެ ރަސްމިއްޔާތުގައި އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު، މުނު މަހާވަރް، އާއި އެމްއެންޑީއެފް ނޮދަން އޭރިއާ ކޮމާންޑުގެ ކޮމާންޑާ ބްރިގޭޑިއާ ޖެނެރަލް އިސްމާއީލް ޝަރީފް އާއި، އެމްއެންޑީއެފް ދަ ބޭސިކް ސުކޫލުގެ އޮފިސަރުން ބައިވެރިވެލެއްވިއެވެ.

އެމްއެންޑީއެފް އިންޑިޔާ