ރޮނާލްޑޯ ލަނޑު ޖެހި ނަމަވެސް ލީގުގައި ފުރަތަމަ ފަހަރަށް އަލް ނަސްރު ބަލިވެއްޖެ

ރޮނަލްޑޯ

ޕޯޗުގަލުގެ ތަރި ކްރިސްޓިއާނޯ ރޮނާލްޑޯ ލަނޑު ޖެހިނަމަވެސް ސައުދީ އަރަބިއްޔާގެ ޕްރޯ ލީގުގައި މި ސީޒަނުގައި ފުރަތަމަ ފަހަރަށް އަލް ނަސްރު ބަލިވެއްޖެއެވެ.

ރިޔާދުގައި އަލް ގަދްސިއާ އާއި ދެކޮޅަށް ކުޅުނު މެޗުން އަލް ނަސްރު ބަލިވެފައިވަނީ 2-1 ގެ ނަތީޖާއަކުންނެވެ.

މި މެޗުގެ 32 ވަނަ މިނިޓުގައި ކްރިސްޓިއާނޯ ރޮނާލްޑޯ ވަނީ ލަނޑެއް ޖަހާ އަލް ނަސްރަށް ކުރި ހޯދައިދީފައެވެ. ނަމަވެސް އޭގެ ފަސް މިނިޓު ފަހުން އަލް ގަދްސިއާގެ ކިނޯނެސް ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފައެވެ. ދެވަނަ ހާފުގެ ކުޅުން ފެށުނުތާ ފަސްވަނަ މިނިޓުގައި އަލް ގަދްސިއާގެ ޕިއާ އެމެރިކް އައުބަމެޔަންގް ވަނީ ލަނޑެއް ޖަހާ އެޓީމު މޮޅުކޮށްދީފައެވެ.

މި މެޗުން އަލް ގަދްސިއާ މޮޅުވުމާއެކު އެ ޓީމަށް ވަނީ ލީގުގައި މިހާތަނަށް ކުޅުނު 11 މެޗުން 22 ޕޮއިންޓާއެކު ތާވަލުގެ 5 ވަނަ މަގާމު ލިބިފައެވެ. ތިންވަނައިގައި އޮތް އަލް ނަސްރަށް ވެސް ލިބިފައިވަނީ 11 މެޗުން 22 ޕޮއިންޓެވެ. ނަމަވެސް އެ ޓީމަށް ކުރި ލިބިފައިވަނީ ފައިދާ ގޯލުގެ ތަފާތުންނެވެ.

ލީގުގެ އެއްވަނައިގައި އޮތް އަލް ހިލާލް އަށް 10 މެޗުން 28 ޕޮއިންޓް ލިބިފައިވާއިރު ދެވަނައިގައި އޮތް އިއްތިހާދަށް 10 މެޗުން ލިބިފައިވަނީ 27 ޕޮއިންޓެވެ. މި ނަތީޖާއާއެކު އަލް ނަސްރަށް ވަނީ ލީގުގެ ޗެމްޕިއަންކަން ހޯދުމުގެ ފުރުސަތު ކުޑަވެފައެވެ.

ސައުދީ ލީގު ރޮނަލްޑޯ