ޕާޓީ ބަދަލުކޮށް މަޖިލިސް ހަލަބޮލިވާން ފައްޓައިފި ނަމަ ދައުލަތުގެ ހަމަޖެހުން ގެއްލޭނެ: ނިހާން
18 ވަނަ ރައްޔިތުންގެ މަޖިލީހުގެ ޕީޖީ ލީޑަރު އަހްމަދު ނިހާން ހަސަން މަނިކު --
ޕާޓީ ބަދަލުކޮށް މަޖިލިސް ހަލަބޮލިވާން ފައްޓައިފިނަމަ ދައުލަތުގެ ހަމަޖެހުން ގެއްލި މަޝްރޫއުތައް މަޑުޖެހެމުން އަންނާނެ ކަމަށާއި މީގެ ގެއްލުން ވާނީ ރައްޔިތުންނަށް ކަމަށް 18 ވަނަ މަޖިލީހުގެ މެޖޯރިޓީ ލީޑަރު އަހްމަދު ނިހާން ހަސަން މަނިކު ވިދާޅުވެއްޖެއެވެ.
އޭނާ މިހެން ވިދާޅުވީ ގާނޫނުއަސާސީއަށް ގެނައި މި އިސްލާހުތަކާ ބެހޭގޮތުން ޕީއެސްއެމް ނިއުސްގެ ރާއްޖެ މިއަދު ޕްރޮގުރާމްގައި ރޭ ވާހަކަ ދައްކަވަމުންނެވެ.
ނިހާން ވިދާޅުވީ މީގެ ކުރިން މެންބަރުން ޕާޓީ ބަދަލުކޮށްފައި ހުރުމުން ސަރުކާރުތައް ހިންގުމުގައި ދަތިތައް ދިމާވެފައިހުރި ކަމަށާއި އެގޮތުން ޕީޕީއެމްގެ މެޖޯރިޓީ އޮތް 18 ވަނަ މަޖިލީހުން އެންޓި ޑިފެކްޝަންގެ ގާނޫނެއް ވުޖޫދުކުރީ އެހެންވެގެން ކަމަށެވެ.
"ޕާޓީ ބަދަލުކޮށް މަޖިލިސް ހަލަބޮލިވާން ފައްޓައިފިނަމަ ދައުލަތުގެ ސްޓެބިލިޓީ [ހަމަޖެހުން] ގެއްލޭނެ. މަޝްރޫއުތައް މަޑުޖެހެމުން އަންނާނީ. މީގެ ގެއްލުންވާނީ ރައްޔިތުންނަށް،" ނިހާން ވިދާޅުވިއެވެ.
ވިލިމާލޭ ދާއިރާގެ ކުރީގެ ޕީޕީއެމް މެންބަރުކަންވެސް ކުރެއްވި ނިހާން އިތުރަށް ވިދާޅުވީ އެއް ދުވަހުން ޕާޓީ ބަދަލުކޮށްފި ނަމަ ގޮނޑި ގެއްލޭގޮތަށް ގާނޫނު އަސާސީ އިސްލާހުކޮށްފައި ވަނީ ކަމުގެ މުހިންމުކަމުން ކަމަށެވެ. އަދި މީގެ ކުރިންވެސް މިގޮތަށް ގާނޫނު އަސާސީ އިސްލާހުކޮށްފައި އެބަހުރިކަން އޭނާ ފާހަގަ ކުރެއްވިއެވެ.
ގާނޫނު އަސާސީއަށް މި ގެނައި އިސްލާހު އިއްޔެ މަޖިލީހުން ފާސްކުރެއްވުމާއެކު ލަސްތަކެއް ނުވެ، ރައީސް ޑރ. މުޙައްމަދު މުއިއްޒު ވަނީ ބިލު ތަސްދީގު ކުރައްވާފަ އެވެ. އަދި ދިވެހި ސަރުކާރުގެ ގެޒެޓުގައި ޝާއިއުކުރުމުން މި އިސްލާހުތަކަށް މިހާރު ވަނީ ޢަމަލުކުރަންވެސް ފަށާފައެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް