ހުރިހާ ވެރިންވެސް އެންޓި ޑިފެކްޝަން ލޯގެ ވާހަކަ ދެއްކި، ނަމަވެސް މިކަން ކުރަން ކެރުނު ވެރިއަކީ ޑރ. މުއިއްޒު: ޝަކީލް

ހައްޖު ކޯޕަރޭޝަންގެ މެނޭޖިން ޑިރެކްޓަރު މުޙައްމަދު ޝަކީލް --

ފާއިތުވެދިޔަ ތަނުގައި ވެރިކަން ކުރި ހުރިހާ ވެރީންވެސް އެންޓި ޑިފެކްޝަން ގާނޫނުގެ ވާހަކަ ދެއްކި، ކަމަށާއި ނަމަވެސް މިކަން ކުރަން ކެރުނު ހަމައެކަނި ވެރިއަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ކަމަށް މޯލްޑިވްސް ހައްޖު ކޯޕަރޭޝަންގެ މެނޭޖިން ޑިރެކްޓަރު މުޙައްމަދު ޝަކީލް ވިދާޅުވެއްޖެއެވެ.

ޓްވިޓާގައި ޝަކީލް ކުރެއްވި ޕޯސްޓެއްގައި ވިދާޅުވެފައިވަނީ ވޭތުވެދިޔަ ތަނުގައި އައި ހުރިހާ ވެރީންނާއި މަޖިލިސް މެމްބަރުން ޕޯޑިއަމްތަކަށް އަރައި އެންޓި ޑިފެކްޝަން ގާނޫނުގެ މުހިއްމު ކަމުގެ ވާހަކަ ދެއްކި ކަމަށެވެ.

އެހެންނަމަވެސް ހަގީގީ ސިފައިގައި ގާނޫނު އަސާސީގެ ތެރެއިން މިކަން ކުރުމުގެ އިޚުލާސްތެރިކަމާއި ކެރުންތެރިކަން ހުރި ހަމައެކަނި ވެރިއަކީ ރައީސް ޑރ. މުއިއްޒުކަން މިއަަދު އެވަނީ ސާބިތުކޮށްދެއްވައިފި ކަމަށް ޝަކީލް ވިދާޅުވިއެވެ.

"އަދި މި ދައުރުގެ ޕީއެންސީ މެމްބަރުން ތިބީ ރައްޔިތުންގެ ފަޅީގައިކަންވެސް ސާބިތުކޮށްދެއްވައިފި. ރައީސް މުއިއްޒުގެ ސަރުކާރަކީ ރައްޔިތުންގެ ސަރުކާރު. ޝުކުރިއްޔާ ރައީސް،" ޝަކީލްގެ ޓްވީޓުގައި ވެއެވެ.

ރައްޔިތުންގެ މަޖިލީހުގެ މެންބަރަކު ތަމްސީލު ކުރައްވައި ސިޔާސީ ޕާޓީ ބަދަލުކޮށްފި ނަމަ ނުވަތަ، އެ ޕާޓީން ވަކިކޮށްފި ނަމަ މެންބަރު ކަން ގެއްލޭ ގޮތަށް ގާނޫނު އަސާސީއަށް ހުށަހެޅި އިސްލާހު މަޖިލީހުން މިއަދު ވަނީ ފާސްކޮށްފައެވެ.

އެ އިސްލާހު ފާސްކުރިތާ ގިނައިރުތަކެއް ނުވަނީސް ރައީސް ޑރ. މުޙައްމަދު މުއިއްޒު މިހާރު ވަނީ އެ ބިލް ތަސްދީގު ކުރައްވާފައެވެ.

މަޖިލިސް