ޕާޓީ ބަދަލުކުރުމުން ގޮނޑި ގެއްލޭ އިސްލާހުގެ ބަހުސް ނިންމާލާ ކޮމެޓީއަށް ފޮނުވައިފި
ރައްޔިތުންގެ ޖަލްސާއެއް -- ފޮޓޯ/ މަޖިލިސް
ރައްޔިތުންގެ މަޖިލީހަށް މެމްބަރުން އިންތިހާބުވާ ޕާޓީ ބަދަލުކޮށްފި ނަމަ، އެ މެމްބަރެއްގެ ގޮނޑި ގެއްލޭ ގޮތަށް ގާނޫނުއަސާސީއަށް އިސްލާހު ގެންނަން ހުށަހަޅައި ބިލްގެ އިބުތިދާއީ ބަހުސް ނިންމާލާ ދިރާސާ ކުރުމަށްޓަކައި މުޅި މަޖިލީހުގެ ކޮމިޓީއަށް ފޮނުވައިފިއެވެ.
ސަރުކާރުގެ ފަރާތުން ނޫނުއަސާސީއަށް އިސްލާހު ގެނައުމުގެ ބިލު މަޖިލީހަށް ހުށަހަޅުއްވާފައިވަނީ ހުޅުދޫ ދާއިރާގެ މެންބަރު މުހައްމަދު ޝާހިދެވެ.
އިބުތިދާއީ ބަހުސް ނިމުމުން މި ބިލު މަޖިލީހަށް ބަލައިގަތީ 69 މެންބަރުން ވޯޓު ދެއްވައިގެންނެވެ. ބިލް ބަލައި ނުގަތުމަށް 12 މެންބަރުން ވޯޓު ދެއްވިއެވެ.
މުޅި މަޖިލީހުގެ ކޮމިޓީއަށް މި ބިލް ފޮނުވީ އެވަގުތު ޖަލްސާގައި ތިއްބެވި 84 މެނބަރުންގެ ތެރެއިން ވޯޓު ދެއްވި 71 މެންބަރުންގެ އަގުލަބިއްޔަތުންނެވެ. ބިލް މުޅި މަޖިލީހުގެ ކޮމިޓީއަށް ފޮނުވަން ނުފެންނަ ކަމަށް 12 މެންބަރުން ވޯޓު ދެއްވިއެވެ.
މި ބިލުގެ ކޮމިޓީ މަރުހަލާ 12:30 ގައި ފަށްޓަވާނެ ކަމަށް ރިޔާސަތުން ވަނީ އިއުލާނު ކުރަށްވާފައެވެ.
ކޮމެންޓް