ބުރިޖު ފެންސުގައި ޖެހި އެކްސިޑެންޓެއް، ދުއްވި މީހާގެ ހާލު ސީރިޔަސްވެ ފަރުދެނީ

ސިނަމާލެ ބުރިޖު

ސިނަމާލެ ބުރިޖު އެއާޕޯޓް ލައިޓް ކައިރީގައި ހިނގި އެކްސިޑެންޓެއްގައި އަނިޔާވި މީހެއްގެ ހާލު ސީރިއަސްވެ އައިޖީއެމްއެޗުގައި ފަރުވާދޭން ފަށައިފިއެވެ.

ފުލުހުންގެ އޮފިޝަލަކު "ދެލި އޮންލައިން"އަށް ވިދާޅުވީ، އެ އެކްސިޑެންޓު ހިނގާފައިވަނީ ރޭ ފަތިހު 5:25 ހާއިރު، މާލެއިން ހުޅުމާލެއަށް ދިޔަ ސައިކަލެއް ބުރިޖާއި، އެއާޕޯޓާ ގުޅޭ ޓްރެފިކް ލައިޓް ކައިރިން ދުއްވާފައިދަނިކޮށް، ކޮންޓްރޯލުން ނައްޓައިގެން ގޮސް، ހައިވޭގެ ލޭނުތައް ވަކިކުރާ ޑިވައިޑަރުގައި ޖެހިގެން ކަމަށެވެ.

އެކްސިޑެންޓުގައި އަނިޔާވީ ސައިކަލުގައި އިން އުމުރުން 53 އަހަރުގެ ދިވެހި ފިރިހެނަކަށް ކަމަށާއި އެމީހާގެ ހާލު ސީރިއަސްވެ، ފަރުވާ ދެމުން އަންނަ ކަމަށް އައިޖީއެމްއެޗުން މައުލޫމާތު ދީފައިވާ ކަމަށެވެ.

މިނޫހަށް ޔަގީން ކުރެވިފައިވާގޮތުގައި ސައިކަލް ދުއްވި މީހާގެ ވާތުފައި އުކުޅުވަޅުން ވަނީ ބިނދިފައެވެ. އަދި މޫނަށްވެސް ވަރަށް ބޮޑަށް އަނިޔާވެފައިވެއެވެ.

އެ ހާދިސާއާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ބުންޏެވެ.

ބްރިޖްގައި ސައިކަލް ދުއްވުން އެކްސިޑެންޓް