ސިނަމާލޭ ބްރިޖުގައި ސައިކަލު އެކްސިޑެންޓްވެ މީހަކަށް ބޮޑެތި އަނިޔާ

ސިނަމާލޭ ބްރިޖުގައި މާލެއިން ހުޅުމާލެއަށް ސައިކަލުގައި ދަނިކޮށް ބްރިޖު ފެންސުގައި ޖެހި މީހަކު އެކްސިޑެންޓުވެ އަނިޔާވެއްޖެއެވެ.

މި ހާދިސާ ހިނގީ މިއަދު ފަތިހު 5:30 ހާއިރު އެއާޕޯޓް ޓްރެފިކް ލައިޓް ކައިރިންނެވެ.

ފުލުހުން ބުނި ގޮތުގައި މި ހާދިސާގައި އަނިޔާވީ ސައިކަލު ދުއްވަން އިން 53 އަހަރުގެ ދިވެހި ފިރިހެނެކެވެ. އޭނާއަށް މިހާރު ދަނީ އައިޖީއެމްއެޗުގައި ފަރުވާދެމުންނެވެ. ހޮސްޕިޓަލުން މަޢުލޫމާތު ދިން ގޮތުގައި އޭނާގެ ހާލަތު ވަރަށް ސީރިއަސްކަމަށް ބެލެވެއެވެ.

އެކްސިޑެންޓްވި މީހާއަށް ލިބުނު އަނިޔާގެ ތަފްސީލު މިވަގުތު އެނގެން ނެތްނަމަވެސް، މި ހާދިސާއާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުނެފައިވެއެވެ.